[00001]    Ιn Χhristi natalem diemὰ

[00002]    Εἰς τὴν Χριστοῦ γέννησιν.

61.737

[00003]    Ὁ τῆς δικαιοσύνης ἀνέτειλε σήμερον ἥλιος, καὶ τὸν πρὶν ἀνατέλλοντα ἐκάλυψεν·

[00004]    ἐλυτρώθην τοῦ σκότους, καὶ οὐ φέρω τὰς ἀκτῖνας·

[00005]    ἐτέχθη μοι πάλιν τὸ φῶς, καὶ ἀμαυροῦμαι τῷ φόβῳ·

[00006]    τὸν τόκον ἀγάλλομαι, καὶ τὸν τρόπον ταράττομαι·

[00007]    νέαν πηγὴν προϊοῦσαν ὁρῶ, καὶ ἀρχαίαν πληγὴν φεύγουσαν·

[00008]    βρέφος εἶδον τικτόμενον, καὶ οὐρανὸν κλινόμενον εἰς τὴν τούτου προσκύνησιν·

[00009]    μητέρα τίκτουσαν, καὶ μήτραν μὴ ἀνοίγουσαν·

[00010]    παιδίον τὴν ἰδίαν σφραγίζον κύησιν·

[00011]    γεννήτορα ἄνανδρον, καὶ υἱὸν ἀπάτορα·

[00012]    σωτῆρα τικτόμενον, καὶ ἀστέρα κτιζόμενον·

[00013]    σπαργανούμενον νήπιον, καὶ βαστάζων τὴν ἄπειρον·

[00014]    φάτνην ἐκτυπουμένην εἰς θρόνον ἐπουράνιον, καὶ κτήνη ἀπεικάζοντα χερουβικὴν παράστασιν·

[00015]    φωστῆρα φαινόμενον, καὶ τὸ θαῦμα φθεγγόμενον·

[00016]    ἀγγέλους προαναγγέλλοντας, καὶ ποιμένας προφητεύοντας·

[00017]    μάγους θεολογοῦντας, καὶ ἱερεῖς θεομαχοῦντας·

[00018]    Ἡρώδην πίπτοντα, καὶ θάνατον θρηνούμενον·

[00019]    τὸν Ἀδὰμ λυόμενον, τὴν Εὔαν χαίρουσαν, καὶ τὸν ὄφιν πενθοῦντα·

[00020]    αἰχμαλώτους ἐν ἀφέσει γενομένους, καὶ τυράννους ἐν κολάσει·

[00021]    βρέφος γαλουχούμενον, καὶ τρέφοντα τὴν τρέφουσαν·

[00022]    χερσὶ περιφερόμενον, καὶ φέροντα τὴν φέρουσαν·

[00023]    τὴν κτίσιν ἐπιγνοῦσαν, καὶ τὴν φύσιν δειλιῶσαν.

[00024]    Ὅθεν κἀγὼ ἐξίσταμαι τῷ θαύματι, τρέμων τὸ μυστήριον.

[00025]    Θαῤῥήσω τῷ Γαβριὴλ, καὶ φυγαδεύω μου τὸν φόβον.

[00026]    Τὰ πρὸς Μαρίαν ῥήματα, ἑρμηνεύοντα θαύματα.

[00027]    Ποῖα ταῦτα;

[00028]    Καί φησι·

[00029]    Χαῖρε, κεχαριτωμένη, οὐρανίου στάχυος ἀθέριστος ἄρουρα·

[00030]    χαῖρε, κεχαριτωμένη, ἀληθινῆς ἀμπέλου ἀψευδὴς μήτηρ παρθένος·

[00031]    χαῖρε, κεχαριτωμένη, ἀτρέπτου θεότητος σαγήνη ἀδιάπτωτος·

[00032]    χαῖρε, κεχαριτωμένη, τῆς ἀχωρήτου φύσεως χωρίον εὐρύχωρον·

[00033]    χαῖρε, κεχαριτωμένη, τοῦ χηρεύοντος κόσμου νυμφίε, τόκε ἀμίαντε·

[00034]    χαῖρε, κεχαριτωμένη, ἡ τῇ κτίσει ὑφάνασα ἀχειρόπλοκον στέφανον·

[00035]    χαῖρε, κεχαριτωμένη, πυρὸς ἅγιον οἰκητήριον, χαῖρε, κεχαριτωμένη, ἡ τῆς φυγάδος οἰκουμένης ἐπάνοδος·

[00036]    χαῖρε, κεχαριτωμένη, τῆς λιμωττούσης κτίσεως ταμιεῖον ἀδαπάνητον·

[00037]    χαῖρε, κεχαριτωμένη, ἡ χάρις ἡ ἀπέραντος τῆς ἁγίας παρθένου·

[00038]    χαῖρε, κεχαριτωμένη, πολλῶν ἀρετῶν κεκοσμημένη λαμπαδηφόρε, τὸ ἄσβεστον καὶ τοῦ ἡλίου λαμπρότερον φῶς·

[00039]    χαῖρε, κεχαριτωμένη, τοῦ νοητοῦ ἀγκίστρου τὸ δέλεαρ·

[00040]    χαῖρε, κεχαριτωμένη, νοερὰ τῆς δόξης κιβωτέ·

[00041]    χαῖρε, κεχαριτωμένη, ἡ στάμνος ἡ χρυσῆ, ἡ τὸ οὐράνιον ἔχουσα μάννα·

[00042]    χαῖρε, κεχαριτωμένη, ἡ τὴν γλυκεῖαν πόσιν τῆς ἀεννάου πηγῆς τοὺς διψῶντας ἐμπλήσασα·

[00043]    χαῖρε, κεχαριτωμένη, ἡ νοερὰ θάλασσα, καὶ τὸν οὐράνιον ἔχουσα μαργαρίτην Χριστόν·

[00044]    χαῖρε, κεχαριτωμένη, ὁ λαμπρὸς οὐρανὸς, ἡ τὸν ἀχώρητον ἐν οὐρανοῖς ἐν ἑαυτῇ ἔχουσα Θεὸν ἀχώρητον καὶ ἀστενοχώρητον·

[00045]    χαῖρε κεχαριτωμένη, στυλοειδὴς νεφέλη, ἡ τὸν Θεὸν ἔχουσα τὸν ἐν τῇ ἐρήμῳ καθοδηγήσαντα τὸν Ἰσραήλ.

[00046]    Τί εἴπω καὶ τί λαλήσω;

[00047]    πῶς μακαρίζω τὴν ὁλόῤῥιζον δόξαν;

[00048]    Ὅτι, χωρὶς Θεοῦ μόνου, πάντων ἀνωτέρα ὑπάρχεις.

[00049]    Ἡ δὲ ἐπὶ τῷ λόγῳ διεταράχθη, καὶ τῷ βλέμματι φεύγουσα, τῷ σώματι ἵσταται, σταυροτύπῳ ἱστορίᾳ τυποῦσα τὴν θέαν, ἀμφιβόλοις δὲ προπαρίστατο τῷ ἀγγέλῳ, μήτε φυγεῖν τολμῶσα, μήτε ἵστασθαι θαῤῥοῦσα.

[00050]    Ὁρῶσα τὸν ἀσώματον ἱστάμενον ὡς ἄνθρωπον, παραμένειν ᾐδεῖτο, τιμῶσα τὴν παρθενίαν·

[00051]    ἐρωτᾷν οὐκ ἐτόλμα τὸν ἀνόμοιον.

[00052]    Καὶ ἦν τὸ φόβῳ ἔσοπτρον τῆς παρθένου προελθοῦσα τὸ πρόσωπον, λέγουσα ἐν ἑαυτῇ, Ποταπὸς εἴη ὁ ἀσπασμὸς οὗτος;

[00053]    ἢ τίς ὁ ἀσπασάμενός με;

[00054]    Ὑπεραστράπτει ἥλιον, καὶ πηλῷ διαλέγεται·

[00055]    ἐξ οὐρανοῦ

[00056]    Επιτρέπετα

[00057]    κατέδραμε, καὶ κόρην ἀσπάζεται·

[00058]    οὐ περιβέβληται σῶμα, καὶ γυναικὶ παρίσταται, ὡς ποσὶ ταῖς πτέρυξι περιπατῶν ἐπὶ τῆς γῆς.

[00059]    Τί ζητεῖ πρὸς τὴν ἐκ γῆς;

[00060]    ἄγγελός μοι φαίνεται, καὶ ὡς ἄνθρωπος φθέγγεται·

[00061]    ἐξ ἀσωμάτων ἁγίων φωνή μοι προβάλλεται·

[00062]    φωστῆρος φωτεινότερον κεκαλλώπισται πρόσωπον·

[00063]    χιτῶνα προβέβληται·

[00064]    νεανίσκον ὁρῶ σάρκα μὴ περικείμενον, πατοῦντα τὸ ἔδαφος, καὶ ἴχνος μὴ ζω ^[61.738] γραφοῦντα·

[00065]    γλῶσσαν μὴ κεκτημένον, καὶ τὸ Χαῖρέ μοι κεκραγότα·

[00066]    χείλη μὴ σαλεύοντα, καὶ χαίρειν μοι προφητεύοντα.

[00067]    Οὐκ οἶδα τί λογίσωμαι τὴν ἔμφρικτον ὀπτασίαν.

[00068]    Εἰ τὸν πεμφθέντα οὐ νοῶ, πῶς γνώσομαι τὸν πέμψαντα;

[00069]    εἰ ὁ μηνύων φοβερὸς, ὁ μηνυθεὶς φοβερώτερος·

[00070]    εἰ οὕτως ἀπαστράπτων ἐμαύρωσέ μου τὸν νοῦν, ποίῳ σώματι κρύψω δικαιοσύνης τὸν ἥλιον;

[00071]    εἰ τὸ κτίσμα θροεῖ με, πῶς ἐνέγκω τὸν κτίσαντα;

[00072]    εἰ τὸν δοῦλον ἐπτόημαι, τὸν ∆εσπότην πῶς τέξομαι;

[00073]    Εἶπε δὲ αὐτῇ ὁ ἄγγελος·

[00074]    Μὴ φοβοῦ, Μαριάμ.

[00075]    Οὐ σκελίζῃ ὥσπερ ἡ Εὔα·

[00076]    ἐξ ἐκείνης ὁ θάνατος, ἐκ δὲ σοῦ ζωὴ ἀθάνατος·

[00077]    ἐξ ἐκείνης καρπὸς νεκρώσεως, ἐκ δὲ σοῦ καρπὸς ζωοποιός·

[00078]    ἐξ ἐκείνης ἀπάτη, ἐκ δὲ σοῦ ἀγάπη·

[00079]    ἐξ ἐκείνης τοῖς ἀνθρώποις ὁ τοῦ Θεοῦ χωρισμὸς, ἐκ δὲ σοῦ Θεοῦ καὶ σαρκὸς συμπλοκὴ ἀνερμήνευτος·

[00080]    ἐξ ἐκείνης ὁ σκοτεινὸς ὕπνος τοῦ ᾅδου, ἐκ σοῦ φωτεινὸς λύχνος τοῦ κόσμου·

[00081]    ἐξ ἐκείνης κατάρα, ἐκ δὲ σοῦ εὐλογία·

[00082]    ἐξ ἐκείνης ἡ ἀπόφασις, ἐκ δὲ σοῦ ἡ συγχώρησις·

[00083]    ἐξ ἐκείνης ἡ θλῖψις, ἐκ δὲ σοῦ ἡ πίστις·

[00084]    ἐξ ἐκείνης τὰ δάκρυα, ἐκ δὲ σοῦ ποταμοὶ ὕδατος ζῶντος·

[00085]    ἐξ ἐκείνης οἱ ἱδρῶτες, ἐκ δὲ σοῦ ἡ ἀνάπαυσις·

[00086]    ἐξ ἐκείνης ἡ ἀρχαία πληγὴ, ἐκ δὲ σοῦ Τριάδος ζωή·

[00087]    ἐξ ἐκείνης μισαδελφία, ἐκ δὲ σοῦ φιλανθρωπία·

[00088]    ἐξ ἐκείνης κατακλυσμὸς, ἐκ δὲ σοῦ λουτρὸν ἀθανασίας·

[00089]    ἐξ ἐκείνης οἱ φονεῖς, ἐκ δὲ σοῦ ἀναγέννησις·

[00090]    ἐξ ἐκείνης ζώντων σφαγαὶ, ἐκ δὲ σοῦ ἡ νεκρῶν ἔγερσις·

[00091]    ἐξ ἐκείνης δωδεκάφυλον μισητὸν, ἐκ δὲ σοῦ δώδεκα ἀπόστολοι ἀγάπῃ συνηνωμένοι·

[00092]    ἐξ ἐκείνης ὁ θάνατος τὸν κόσμον διατρέχων, εἰς σὲ δὲ προσκόψας πεσεῖται·

[00093]    ἐξ ἐκείνης τὸ πτῶμα, ἐκ δὲ σοῦ ἡ ἀνάστασις.

[00094]    Μὴ φοβοῦ, Μαριάμ·

[00095]    εὗρες γὰρ χάριν παρὰ τῷ Θεῷ.

[00096]    Καὶ ἰδοὺ συλλήψῃ ἐν γαστρὶ τὸν ἐν Πατρὶ καὶ ἐν σαρκί·

[00097]    καὶ τέξῃ υἱὸν τοῦ Ἀδὰμ ἀρχαιότερον, τέξῃ υἱὸν ἐμοῦ παλαιότερον, τέξῃ υἱὸν οὐρανοῦ ὑψηλότερον, τέξῃ υἱὸν τῶν Χερουβὶμ ἀνώτερον, τέξῃ υἱὸν τῶν αἰώνων δημιουργὸν, τέξῃ υἱὸν συνάναρχον τῷ Πατρὶ, τέξῃ υἱὸν συναΐδιον τῷ Πνεύματι, τέξῃ υἱὸν, οὗ τὰ πάντα ὑπάρχει, τέξῃ υἱὸν, ὃν ἡμεῖς μὴ καθορῶμεν, τέξῃ υἱὸν, οὗ ἡ μορφὴ λανθάνει με, τέξῃ υἱὸν ᾧ παρίσταμαι ἔντρομος.

[00098]    Καὶ ἐπληρώθησαν αἱ ἡμέραι τοῦ τεκεῖν αὐτὴν, καὶ ἔτεκε τὸν υἱὸν αὐτῆς τὸν πρωτότοκον, ὃν οὐκ ἐφύτευσεν ἀνήρ·

[00099]    ἔτεκε τὸν υἱὸν αὐτῆς, ὃν οὐκ ἐβάστασε πατήρ·

[00100]    ἔτεκε τὸν στάχυν, ὃν οὐκ ἔσπειρε σῶμα·

[00101]    ἔτεκε δημιουργὸν γενόμενον ἄνθρωπον·

[00102]    ἔτεκεν ἐν σπηλαίῳ, καὶ ἐν Περσίδι ἐφάνη.

[00103]    Τοῦ γὰρ Χριστοῦ γεννηθέντος ἐν Βηθλεὲμ τῆς Ἰουδαίας, ἰδοὺ, μάγοι ἀπὸ ἀνατολῶν παρεγένοντο εἰς Ἱεροσόλυμα λέγοντες.

[00104]    Ποῦ ἐστιν ὁ τεχθεὶς βασιλεὺς τῶν Ἰουδαίων;

[00105]    Ποῦ ἐστιν ὁ μὴ σπαρεὶς καὶ τεχθείς;

[00106]    ὁ πρὸ ἑαυτοῦ τὸν ἑαυτοῦ ἀποστείλας ἀστέρα;

[00107]    ποῦ ἐστιν ὁ διὰ ξένης ἀκτῖνος ἕλκων ἡμᾶς πρὸς φῶς ἀγνοούμενον;

[00108]    ποῦ ἐστιν ὁ ἀμετρήτῳ παλάμῃ τειχίζων τὴν οἰκουμένην;

[00109]    ποῦ ἐστιν ὁ πανταχοῦ φαινόμενος, καὶ ἐν σαρκὶ κρυπτόμενος;

[00110]    ποῦ ἐστιν ὁ λύσας ἡμᾶς τῆς πλάνης, καὶ ὁδηγῶν πρὸς τὴν χάριν;

[00111]    ποῦ ἐστιν ὁ φανεὶς ὑπὸ τὴν δρῦν εἰς τριάδα ἀγγέλων;

[00112]    ποῦ ἐστιν ὁ τὴν βάτον μὴ φλέξας, καὶ τὴν μητέρα μὴ φθείρας;

[00113]    ποῦ ἐστιν ὁ ἐκ Πατρὸς, μὴ ὁρώμενος, καὶ μητρὸς κατεχόμενος;

[00114]    ποῦ ἐστιν ὁ ξηράνας τὴν ἐρυθρὰν θάλασσαν, καὶ γάλα ποτιζόμενος;

[00115]    ποῦ ἐστιν ὁ πατάξας τὸν Φαραὼ, καὶ Ἡρώδην κρυπτόμενος;

[00116]    ποῦ ἐστιν ὁ τὸν δράκοντα δύσας, καὶ ἐν σπαργάνοις κείμενος;

[00117]    ποῦ ἐστιν ὃν οὐκ εἶδον ἀρχάγγελοι, καὶ θεωροῦσιν ἄνθρωποι;

[00118]    Καὶ ἰδοὺ ὁ ἀστὴρ, ὃν εἶδον ἐν τῇ ἀνατολῇ, προῆγεν αὐτοὺς, ἕως ἐλθὼν ἔστη ἐπάνω, οὗ ἦν τὸ παιδίον·

[00119]    καὶ προσκυνήσαντες, προσήνεγκαν αὐτῷ δῶρα, χρυσὸν καὶ λίβανον καὶ σμύρναν.

[00120]    Καὶ χρηματισθέντες μὴ ἀνακάμψαι πρὸς Ἡρώδην, δι' ἄλλης

[00121]    Επιτρέπετα

[00122]    ὁδοῦ ἀνεχώρησαν εἰς τὴν χώραν αὐτῶν.

[00123]    Τῷ δὲ γεννηθέντι Χριστῷ τῷ Θεῷ ἡμῶν ὑμνῶμεν, καὶ δοξάζωμεν, ἅμα τῷ αὐτοῦ Πατρὶ σὺν τῷ ἁγίῳ Πνεύματι, νῦν καὶ ἀεὶ, εἰς τοὺς αἰῶνας.

[00124]    Ἀμήν.

[00125]    Επιτρέπετα

© 2006 Cooperatorum Veritatis Societas quoad hanc editionem iura omnia asservantur.
0345-0407 - Iohannes Chrysostomus - In Christi natalem diem
Litterarum Omnium Conspectus: 106 Litterae, quae repetitae sunt in 5,698 occasionibus