Fragmenta in Proverbia

[00001]    ΤΟΥ ΕΝ ΑΓΙΟΙΣ ΠΑΤΡΟΣ ΗΜΩΝ ΙΩΑΝΝΟΥ ΤΟΥ ΧΡΥΣΟΣΤΟΜΟΥ ΕΞΗΓΗΣΕΩΣ ΕΙΣ ΤΑΣ ΠΑΡΟΙΜΙΑΣ ΣΟΛΟΜΩΝΟΣ ΤΑ ΣΩΖΟΜΕΝΑ.

[00002]    ΚΕΦΑΛ.

[00003]    Α.

[00004]    Γνῶναι σοφίαν καὶ παιδείαν.

[00005]    [ξοδ.

[00006]    φ.

[00007]    ^[1] β.] Τὴν σοφίαν τοῦ Θεοῦ λαμβάνει παρ' αὐτοῦ καὶ παιδείαν, ἐκμανθάνων δι' αὐτῆς τὰ τοῦ λόγου μυστήρια·

[00008]    καὶ οἱ ἐπιγνόντες τὴν ἀληθῆ καὶ ἐπουράνιον σοφίαν, εὐκόλως νοήσουσι τοὺς σοφοὺς παρ' αὐτῆς λελαλημένους λόγους·

[00009]    ἔστι δέ τις καὶ ἀνθρωπίνη σοφία, ἐμπειρία τις οὖσα περὶ τέχνας καὶ τοῦ βίου τὰ χρήσιμα.

[00010]    ∆έξασθαι στροφὰς λόγων.

[00011]    [ξοδ.

[00012]    φ.

[00013]    ^[2] β.] Τὰ γὰρ ἀντιστρόφως ἐν παραβολαῖς ὑπὸ τοῦ ἁγίου Πνεύματος λελαλημένα, ταῦτα τοῖς πιστὴν καρδίαν ἔχουσι πρὸς Θεὸν, εὔγνωστα γίνεται·

[00014]    νοοῦσι γὰρ τὴν ἀληθῆ δικαιοσύνην διὰ Χριστοῦ καταγγελλομένην.

[00015]    Καὶ κρῖμα κατευθύνειν.

[00016]    [ξοδ.

[00017]    φ.

[00018]    ^[3] α.] Κατευθύνει δέ τις κρῖμα, καὶ θείας χάριτος πρό γε τῶν ἄλλων τυχών·

[00019]    παρὰ Θεοῦ γὰρ εὐθύνεται τὰ διαβήματα ἀνδρί·

[00020]    ἐπεὶ θνητὸς, πῶς ἂν νοήσῃ τὰς ἑαυτοῦ ὁδούς;

[00021]    Ἵνα δῷ ἀκάκοις πανουργίαν.

[00022]    [ξοδ.

[00023]    φ.

[00024]    ^[4] α.] Τί λέγεις;

[00025]    πανοῦργον βούλει ποιῆσαι τὸν ἄκακον;

[00026]    ἀλλ' ἴδωμεν τίνα λέγει ἄκακον·

[00027]    τὸν ἁπλοῦν, τὸν ἀπόνηρον, τὸν μήπω τοῦ κακοῦ πεῖραν ἔχοντα·

[00028]    ἐκείνῳ γὰρ ἁρμόζει μάλιστα εἶναι σοφῷ καὶ γὰρ πανουργίαν τὴν σύνεσιν λέγει·

[00029]    ἀπαναστή ^[64.661] σεται γὰρ οὗτος ἀπὸ λογισμῶν ἀσυνέτων·

[00030]    ἢ ἐπεὶ ὁ ἄπειρος κακοηθείας, ταῖς πανουργίαις ὑποπίπτει τῶν κακοήθων ἐξ ἁπλότητος, δεῖ φυλαττομένους τὴν τῶν πονηρῶν πανουργίαν, γίνεσθαι καθ' ἑαυτοὺς μὲν ἀκεραίους, πρὸς δὲ τοὺς ἐπιβουλεύοντας φρονίμους ὡς οἱ ὄφεις·

[00031]    Τῇ γὰρ κακίᾳ, φησὶ, νηπιάζετε, ταῖς δὲ φρεσὶ γίνεσθε τέλειοι·

[00032]    ἀκάκοις, τοῖς ἁπλῇ καὶ ἀκάκῳ καρδίᾳ προσερχομένοις Θεῷ.

[00033]    Παιδὶ νέῳ αἴσθησιν καὶ ἔννοιαν.

[00034]    [ξοδ.

[00035]    φ.

[00036]    ^[4] β.] Οἵτινες νεάσαντες ὡς παιδία νήπια, καὶ ἀναγεννήσεως διὰ Χριστὸν τυχόντες, λαμβάνουσιν αἴσθησιν καὶ ἔννοιαν ἀγαθὴν, καθὼς Κύριος λέγει·

[00037]    Ἐὰν μὴ στραφῆτε καὶ γένησθε, καὶ τὰ ἑξῆς.

[00038]    Τῶνδε γὰρ ἀκούσας σοφὸς, σοφώτερος ἔσται.

[00039]    [ιβιδεμ.] Τῶν γὰρ θείων λόγων κατακούων πᾶς ἄνθρωπος, καὶ ποιῶν αὐτοὺς, σοφὸς ὑπάρχων, σοφώτερος γίνεται, κυβερνώμενος καὶ φρουρούμενος ὑπὸ τοῦ ἁγίου Πνεύματος·

[00040]    ὁ γὰρ νοήμων, φησὶ, κυβέρνησιν κτήσεται, ὥστε δηλονότι μηδενὶ τῶν ἀδοκήτων καταποντίζεσθαι·

[00041]    καὶ κυβερνήτης γὰρ προσλαβὼν τέχνην, ἐπιτηδειότερος ἔσται πρὸς τὴν κυβέρνησιν·

[00042]    ὁ οὖν γενόμενος νοήμων, φησὶ, τὸ λεῖπον προσθήσει κατά τε πρᾶξιν καὶ θεωρίαν, ὥστε τὸν περὶ ταῦτα πλοῦν κατευθῦναι·

[00043]    ὁ γὰρ ἐπιστημόνως πλέων, ἐπὶ τὸν λιμένα φθάσει τοῦ θείου θελήματος, ἐν μηδενὶ ναυαγήσας τῶν ἀρετῶν·

[00044]    ὁ δὲ μὴ τοιοῦτος, ἢ περὶ τὴν πίστιν ναυαγήσει, ἢ περὶ τὴν ἐλπίδα, ἢ περὶ τὴν ἀγάπην, ἤ τινα τῶν ἀρετῶν·

[00045]    ὁ δὲ περὶ ταῦτα ναυαγήσας, εἰκότως ἂν λέγοι·

[00046]    Ἦλθον εἰς τὰ βάθη τῆς θαλάσσης, καὶ καταιγὶς κατεπόντισέ με·

[00047]    καὶ δεῖ λέγειν ἀεί·

[00048]    Ῥυσθείην ἐκ τῶν μισούντων με, καὶ ἐκ τῶν βαθέων τῶν ὑδάτων.

[00049]    Κυβέρνησις ἐστὶν, ἡ πάντως ἐπιστήμη ψυχῆς περὶ τὴν ἄστατον φύσιν τῶν ἀνθρωπίνων πραγμάτων, ὅπως αὐτὴν διαπεραιοῦσθαι προσήκει·

[00050]    πολλαχοῦ γὰρ ὕδατα καὶ θαλάσσας τὸν βίον τοῦτον εὑρίσκομεν ὑπὸ τῆς Γραφῆς ὠνομασμένον.

[00051]    Νοήσει τε παραβολὴν καὶ σκοτεινὸν λόγον.

[00052]    [ξοδ.

[00053]    φ.

[00054]    ^[5] α.] Πνευματικὸς πνευματικοῖς συγκρίνεται·

[00055]    ψυχικὸς δὲ ἄνθρωπος οὐ δέχεται τὰ τοῦ Πνεύματος τοῦ Θεοῦ·

[00056]    μωρία γὰρ αὐτῷ ἐστι, μὴ γινώσκων ὅτι πνευματικῶς ἀνακρίνεται·

[00057]    ὅσα γὰρ διὰ παραβολῆς καὶ σκοτεινῶς τὸ ἅγιον Πνεῦμα διὰ τῶν προφητῶν ἐλάλησε, ταῦτα τοῖς μετόχοις καὶ κοινωνοῖς τοῦ ἁγίου Πνεύματος ὑπάρχουσιν, εὔγνωστα γίνεται ὑπ' αὐτοῦ τοῦ Πνεύματος ἐκδιδασκόμενα·

[00058]    ἀσφράγιστος γὰρ ἀκυβέρνητος, τὰς θείας Γραφὰς ἐπιγνῶναι οὐ δύναται.

[00059]    Εὐσέβεια εἰς Θεὸν, ἀρχὴ αἰσθήσεως.

[00060]    [ξοδ.

[00061]    φ.

[00062]    ^[6] α.] Ἡ πρὸς Θεὸν εὐσέβεια, ἀρχή ἐστι, καὶ οἷον πηγὴ καὶ αἰτία τῆς θείας αἰσθήσεως τῆς κατὰ τὸν ἔσω ἄνθρωπον, δι' ἧς ὁρῶμεν τὸ φῶς τὸ ἀληθινὸν, καὶ τῶν κεκρυμμένων λογίων ἀκούομεν, ^[64.664] καὶ τρεφόμεθα τὸν ἄρτον τῆς ζωῆς, ἀντιλαμβανόμεθά τε τῆς εὐωδίας τοῦ Χριστοῦ, καὶ ἁπτόμεθα τοῦ λόγου τῆς ζωῆς ταύτης ἢ ὅτι τῆς εὐσεβείας προσούσης ἡμῖν, καὶ αἱ σωματικαὶ αἰσθήσεις ἐνεργοῦσι τὸ δέον·

[00063]    καὶ τότε σύνεισιν ἡμῖν, ὅταν μὴ πονηρὰ ὁ ὀφθαλμὸς ὁρᾷ, ἢ τὸ στόμα φθέγγεται.

[00064]    Ἄκουε, υἱὲ, νόμους πατρός σου, κ.

[00065]    τ.

[00066]    λ.

[00067]    [ξοδ.

[00068]    φ.

[00069]    α.] Τουτέστι τοῦ Θεοῦ καὶ Πατρὸς τῶν ὅλων·

[00070]    θεσμοὺς μητρὸς, τῆς σε ἀναγεννησάσης σοφίας, ἥτις ὡς μήτηρ καὶ τιθηνὸς ἡμῶν γίνεται, γαλουχοῦσα ἡμᾶς καὶ ἀνατρέφουσα ἐν τοῖς λόγοις καὶ ἐντολαῖς τοῦ Θεοῦ.

[00071]    Στέφανον γὰρ χαρίτων δέξῃ.

[00072]    [ιβιδ.] Ἐὰν γὰρ τηρήσῃς ἐν καρδίᾳ πιστῇ τὸν νόμον τοῦ πατρός σου, καὶ φυλάξῃς τὰς ἐντολὰς τῆς μητρός σου, στέφανον χαρίτων δέξῃ σῇ κορυφῇ, καὶ κλοιὸν χρύσειόν ποτε ἐν τῇ ἀναστάσει τῶν δικαίων, ἐν τῇ ἐπουρανίῳ καὶ ἀφθάρτῳ βασιλείᾳ δοξαζόμενος καὶ στεφανούμενος ὑπὸ Χριστοῦ, ἐὰν ἀξίως τοῦ στεφάνου ἀγωνίσῃ·

[00073]    οὐδεὶς γὰρ ἀθλητὴς στεφανοῦται, ἐὰν μὴ ἐγκρατῶς καὶ νομίμως ἀθλήσῃ.

[00074]    Μή σε πλανήσωσιν ἄνδρες ἀσεβεῖς.

[00075]    [ξοδ.

[00076]    φ.

[00077]    α.] Τὰ συμβάντα ἐπὶ τοῦ Χριστοῦ μυστήρια διὰ Ἰουδαίων φησὶ, καὶ πῶς κοινὸν βαλάντιον Ἰούδας τοῖς Ἰουδαίοις ἐκτήσατο λακήσας μέσον.

[00078]    Τὴν κτῆσιν αὐτοῦ τὴν πολυτελῆ καταλάβωμεν, πλήσωμεν δὲ οἴκους ἡμετέρους σκύλων.

[00079]    [ξοδ.

[00080]    φ.

[00081]    α.] Κτῆσις δικαίου, σοφία καὶ φρόνησις, ἣν καταλαμβάνονται ἀσεβεῖς, πείθοντες τὸν δίκαιον ποιῆσαί τι τῶν ἀπηγορευμένων, ἵν' ὑπὸ τῆς ἁμαρτίας ὁ νοῦς τυφλωθεὶς ἐκπέσῃ τῶν ἁγίων τούτων κτημάτων·

[00082]    φήσαιεν ἂν τοῦτο καὶ οἱ εἰπόντες·

[00083]    Οὗτός ἐστιν ὁ κληρονόμος, δεῦτε ἀποκτείνωμεν αὐτὸν, καὶ κατάσχωμεν αὐτοῦ τὴν κληρονομίαν·

[00084]    σκυλεύουσι δὲ οἱ δαίμονες οὓς νικῶσι, λαμβάνοντες ἀπ' αὐτῶν τὴν θείαν πανοπλίαν, τὴν περικεφαλαίαν τοῦ σωτηρίου, καὶ τὸν θώρακα, καὶ τὴν μάχαιραν τοῦ πνεύματος, ὅ ἐστιν ῥῆμα Θεοῦ·

[00085]    οἶκοι δὲ αὐτῶν εἶεν ἂν αἱ τῶν πονηρευομένων ἐκκλησίαι, ἃς ἐμπλῆσαι βούλονται σκύλων.

[00086]    Μὴ πορευθῇς ἐν ὁδῷ μετ' αὐτῶν.

[00087]    [ξοδ.

[00088]    φ.

[00089]    β.] Οὐκ εἶπε, Μὴ πράξῃς, ἀλλὰ μηδὲ πορευθῇς·

[00090]    ἐὰν δὲ καὶ ὁρμήσῃς, ἔκκλινον εὐθέως·

[00091]    εἰς γὰρ φόνον τρέχουσιν·

[00092]    εἰ δὲ ἁλῷς τῇ παγίδι, καί τοι τὸ πρᾶγμα οὐκ ἀνάγκης ἦν, ἀλλὰ θελήσεως, θησαυρίζεις σεαυτῷ ἀπώλειαν, τῇ τοῦ πλείονος ἐπιθυμίᾳ, τὸν κεκρυμμένον ὄλεθρον τῇ παγίδι μὴ ἐνιδών·

[00093]    πέπονθεν οὖν ταυτὸν, φησὶ, τοῖς ὀρνέοις δικαίως, ἃ πτερὰ ἔχοντα καὶ δυνάμενα ἵπτασθαι, περὶ γῆν στρέφονται·

[00094]    καὶ σὺ λογισμὸν ἔχων, καὶ δυνάμενος ὑψηλὸς εἶναι, εἰ μὴ βουληθῇς, οὐκ ἀδίκως ἀπολῇ·

[00095]    ἢ δίκτυον λέγει τὸ πολυσχιδὲς τῶν τιμωριῶν, ᾧ ὑποβάλλονται οἱ ἄδικοι.

[00096]    Ἀσεβεῖς γενόμενοι ἐμίσησαν αἴσθησιν.

[00097]    [ξοδ.

[00098]    φ.

[00099]    β.] Καὶ εἰ μὴ κατήγορον ἔχει, εὐσέβεια ἡ εἰς Θεὸν, ἀρχὴ αἰσθήσεως.

[00100]    Ὅταν ἐπικαλέσησθέ με, κ.

[00101]    τ.

[00102]    λ.

[00103]    ^[64.665] [ξοδ.

[00104]    φ.

[00105]    α.] Τοῖς ἀπίστοις καὶ ἀπειθοῦσι τῷ ὀνόματι αὐτοῦ ἠπείλησεν·

[00106]    οὕτω καὶ ∆αβίδ·

[00107]    Ὁ κατοικῶν ἐν οὐρανοῖς ἐκγελάσεται αὐτούς·

[00108]    ἔσται γὰρ ὅταν ἐπικαλέσησθε, ἐγὼ δὲ οὐκ εἰσακούσομαι.

[00109]    Καὶ διὰ Ἡσαΐου·

[00110]    Ἐὰν ἐκτείνητε τὰς χεῖρας πρός με, ἀποστρέψω τὸ πρόσωπόν μου ἐφ' ὑμῶν.

[00111]    Ἔδονται τῆς ἑαυτῶν ὁδοῦ τοὺς καρπούς.

[00112]    [ξοδ.

[00113]    φ.

[00114]    α.] Ἐξ ἑαυτῶν ἕξουσι τὰς τιμὰς, καὶ τοὺς τῶν καρπῶν αὐτῶν πόνους φάγονται·

[00115]    μὴ γὰρ παρ' ἐμοῦ αὐτοῖς τὸ δεινόν;

[00116]    αὐτοὶ ἑαυτοῖς αἴτιοι·

[00117]    κόρον λήψονται, φησὶ, τῆς ἑαυτῶν ἐπιθυμίας.

[00118]    ΚΕΦΑΛ.

[00119]    Βʹ.

[00120]    Υἱὲ, μή σε καταλάβῃ βουλὴ κακή.

[00121]    Καὶ διαθήκην θείαν ἐπιλελησμένη.

[00122]    [ξοδ.

[00123]    φ.

13.

[00124]    β.] Βουλὴν κακὴν τὸν διάβολον λέγει, ἥτις βουλὴ, τὸν Ἀδὰμ καταλαβοῦσα, ἀπέλιπεν αὐτὸν τῆς νέας καὶ οὐ παλαιουμένης μαθήσεως τοῦ Θεοῦ.

[00125]    ∆ιαθήκην δὲ θείαν ἐπιλελησμένην λέγει ἣν Ἀδὰμ καὶ Νῶε, Ἀβραὰμ καὶ Μωϋσεῖ ἐν Εὐαγγελίοις Χριστὸς ἐπηγγείλατο τοῖς ὅσοι νικῶσι τὸν διάβολον ἀποδώσειν, ἣν καὶ ἄγγελοι ἐπιθυμοῦσιν ἐν τῇ βασιλείᾳ τῶν οὐρανῶν, ὅταν ἔλθῃ.

[00126]    ΚΕΦΑΛ.

[00127]    Γʹ.

[00128]    Μὴ τέκταινε ἐπὶ σὸν φίλον κακὰ, παροικοῦντα καὶ πεποιθότα ἐπὶ σοί.

[00129]    [ξοδ.

[00130]    φ.

[00131]    β.] Τὸν θαῤῥήσαντα εἰς σὲ μὴ προδῷς τοῦτο γὰρ θηριωδίας.

[00132]    Μὴ φιλεχθρήσῃς πρὸς ἄνθρωπον μάτην.

[00133]    [ξοδ.

[00134]    φ.

[00135]    α.] Μὴ γίνου ἐχθρὸς εἰκῆ·

[00136]    ἆρα ἔστιν εἰκῆ;

[00137]    ἔστι γὰρ δι' εὐσέβειαν.

[00138]    ∆ιὸ καὶ Παῦλός φησιν·

[00139]    Εἰ δυνατὸν, τὸ ἐξ ὑμῶν, μετὰ πάντων ἀνθρώπων εἰρηνεύοντες;

[00140]    ΚΕΦΑΛ.

[00141]    ∆ʹ.

[00142]    Οἳ ἐδίδασκόν με.

[00143]    [ξοδ.

[00144]    φ.

[00145]    α.] Ὁρᾷς ὡς οὐκ ἀπηξίου παρὰ τῆς μητρὸς ἀκοῦσαι τὰ πρακτέα;

[00146]    οὐ γὰρ ἔστιν, οὐκ ἔστιν εἰς τὰ πρακτέα πονηρόν τι παρὰ τῶν γονέων ἀκοῦσαι, πλὴν εἰ μή τινες εἶεν διάστροφοι.

[00147]    Ἐρειδέτω ὁ ἡμέτερος λόγος εἰς σὴν καρδίαν.

[00148]    Οὐδὲν γὰρ ὄφελος τοῦ διδασκάλου, ὅταν ὁ διδασκόμενος μὴ προσέχῃ·

[00149]    καὶ καλῶς εἶπεν Ἐρειδέτω.

[00150]    Ἀναπαυέσθω, φησὶ, δεθήτω, μὴ ἀποχωρείτω, μηδὲ ἀποπηδάτω·

[00151]    ἢ ἐρεισθήτω, ἔρεισμα αὐτὸν ἀπόδειξον τῆς ψυχῆς.

[00152]    Ἐράσθητι αὐτῆς.

[00153]    [ξοδ.

[00154]    φ.

[00155]    ^[21] α.] Ἐπειδὴ καὶ οἱ ἔρωτες λύονται, ἀθάνατα, φησὶν, αὐτῆς ἐράσθητι, ἵνα ἀπήμονά σε τηρῇ·

[00156]    οὐ γὰρ ἔστι χωρὶς ἐπιθυμίας θερμῆς γενναῖόν τι κατορθῶσαι.

[00157]    Λέξαι ἐμοὺς λόγους.

[00158]    Ἵνα σοι γένωνται πολλαὶ ὁδοὶ βίου.

[00159]    [ξοδ.

[00160]    φ.

[00161]    ^[21] β.] Ἀνόνητον γὰρ τὸ ἀκούειν μὴ δεχθέντος λόγου·

[00162]    ὁδοὶ δὲ πολλαὶ αἱ ἀρεταὶ, αἳ εἰς μίαν ἄγουσιν ὁδὸν τὸν εἰπόντα·

[00163]    Ἐγώ εἰμι ἡ ὁδός·

[00164]    ἢ ὡς ἂν εἴποι τις, Πάντα σοι ῥᾴδια ἔσται καὶ εὐχερῆ καὶ ^[64.668] βατά·

[00165]    ἵνα ὅθεν ἂν θέλῃς, πορεύῃ, διὰ πλούτου, διὰ πενίας, διὰ δόξης καὶ ἀτιμίας·

[00166]    ὡς γὰρ εἴ τις ὢν ἀκατάπληκτος, ἢ πτερὰ λάβοι παρὰ τῆς φύσεως, οὐδεμίαν ὑποπτεύσει ὁδὸν, κἂν τραχεῖα, κἂν ἔρημος, κἂν ἐφεδρεύῃ τις λῃστὴς, ἢ τοιχωρύχος, οὕτως ὁ τῷ πτερῷ τῆς σοφίας κουφισθεὶς εὐμαρῶς δυνήσεται πανταχοῦ περιελθεῖν.

[00167]    Ἐὰν γὰρ πορεύῃ, οὐ συγκλεισθήσεται τὰ διαβήματά σου.

[00168]    [ξοδ.

[00169]    φ.

[00170]    ^[22] α.] Ἐὰν τρέχῃς, φησὶν, τῆς ἀρετῆς ἐν ἕξει γενόμενος, συγκλεισμὸν οὐχ ὑπομενεῖς, κώλυμα οὐδὲν ἕξεις, ἤτοι πέρας τῆς πράξεως, ὅπερ οὐδὲ ἐπὶ σοφίᾳ ἐστὶ, τῷ νεάζειν, καὶ κόρον μὴ λαμβάνειν τῆς προκοπῆς·

[00171]    ἐν μὲν γὰρ ταῖς λεωφόροις συμβαίνει πολλάκις, πολὺ μέρος ἀπελθόντας, ἀπαντῆσαι φάραγγα, τὴν εἰς τὸ πρόσω πορείαν ἡμῖν ἀποτέμνουσαν·

[00172]    ἢ καὶ συναντῆσαί τινι, καὶ ἀναδιδαχθῆναι ὡς οὐ καλῶς ὁδεύομεν, εἶτα ὑποστρέψαι·

[00173]    ἐν δὲ τῇ ἀρετῇ κώλυμα οὐδέν·

[00174]    πῶς δὲ ἔστι μὴ κοπιάσαι τρέχοντας, οὕτω καματηρὸν σῶμα περικειμένους;

[00175]    ὅπου γε καὶ τὸ τῆς βαδίσεως σύντονον μόνον ἠπειγμένον αἴτιον γίνεται πόνου·

[00176]    ὁ οὖν τρέχων τὴν τῶν ἀρετῶν ὁδὸν, κόρον οὐ λαμβάνει διὰ τὸ ἀεὶ τῷ ποθουμένῳ ἐγγίζειν.

[00177]    Ὁδοὶ τῶν ἀσεβῶν σκοτειναί.

[00178]    [ξοδ.

[00179]    φ.

[00180]    ^[23] α.] Τὸ σκότος ἀεὶ πειρασμὸς καὶ κίνδυνός ἐστι.

[00181]    Ἀλλ' ὅμως ἐν κινδύνοις οὐκ ἀφίσταται τὸ φῶς, ἕως ἂν λύσῃ τῶν πειρασμῶν τὴν νύκτα.

[00182]    Πάσῃ φυλακῇ τήρει σὴν καρδίαν.

[00183]    [ξοδ.

[00184]    φ.

[00185]    ^[23] β.] Ἀντὶ τοῦ πολλῇ ἀσφαλείᾳ καὶ προσοχῇ, ἢ ἀντὶ τοῦ ἐν παντὶ καιρῷ·

[00186]    κατὰ τὸ, Ἀπὸ φυλακῆς πρωΐας μέχρι νυκτὸς, ἀσφάλιζε τὴν διάνοιαν, ὥστε μὴ δοῦναι παρείσδυσιν τῷ ἐχθρῷ·

[00187]    ἢ ἀντὶ τοῦ, καὶ ἀπὸ πραγμάτων, καὶ ἀπὸ ῥημάτων, καὶ ἀπὸ διανοιῶν·

[00188]    οὐ γὰρ διὰ τῶν πράξεων μόνον οἶδεν ὑποσυλᾶν ὁ ἐχθρὸς, ἀλλὰ καὶ διὰ λόγων·

[00189]    ἐκ γὰρ τῆς τοιαύτης φυλακῆς προσγενήσεταί σοι ζωή.

[00190]    Περίελε ἀπὸ σοῦ σκολιὸν στόμα, καὶ ἄδικα χείλη μακρὰν ἀπὸ σοῦ ἄπωσαι.

[00191]    [ξοδ.

[00192]    φ.

[00193]    ^[23] β.] Τοὺς διεστραμμένους λέγει λόγους, τοὺς μὴ εὐθεῖς, τοὺς μὴ ἀληθεῖς·

[00194]    ἄδικα δὲ χείλη τὰ καταλάλων, ἃ παραινεῖ μακρὰν ἀπώσασθαι, καὶ μηδ' ὅλως προσέχειν λέγουσιν, ἀλλ' ἀποφράττειν τὰ ὦτα.

[00195]    Καὶ γὰρ κἀκεῖνος μὴ ἔχων ἀκροατὴν, σιγήσει.

[00196]    ΚΕΦΑΛ.

[00197]    Εʹ.

[00198]    Μέλι γὰρ ἀποστάζει ἀπὸ χειλέων γυναικὸς πόρνης.

[00199]    [ξοδ.

[00200]    φ.

[00201]    ^[24] β.] Τοῖς γὰρ κενοῖς καὶ ἀπατηλοῖς καὶ ματαίοις ῥήμασι μέλι ἐπαγγελλομένη, καὶ τῶν μικρῶν στερίσκειν πειρᾶται.

[00202]    Ἣ πρὸς καιρὸν λιπαίνει σὸν φάρυγγα.

[00203]    Ἥτις πρὸς ἡδονὰς καρδίας ὁμιλοῦσα, καὶ ἐπιθυμίᾳ σαρκὸς συγχωροῦσα, δοκεῖ πρὸς ὥραν γλυκαίνειν τὸν ἄνθρωπον.

[00204]    Ὕστερον μέντοι πικρότερον χολῆς εὑρήσεις.

[00205]    ^[64.669] [ξοδ.

[00206]    φ.

[00207]    ^[25] α.] Γίνεται γὰρ τὰ ἔσχατα τοῦ ἀνθρώπου ἐκείνου χείρονα τῶν πρώτων, εἰς κρίσιν ἐρχόμενα, ἥτις ἐστὶν ὡς μάχαιρα ὀξεῖα ἐξερευνῶσα καὶ τὰ κρυπτὰ τῆς καρδίας αὐτοῦ.

[00208]    Τῆς γὰρ ἀφροσύνης οἱ πόδες, κ.

[00209]    τ.

[00210]    λ.

[00211]    [ιβιδ.] Οἱ γὰρ ἄφρονες, καὶ τῇ πλάνῃ συντρέχοντες, καὶ συναιρόμενοι, συμποδιζόμενοι ὑπ' αὐτῆς κατάγονται μετὰ θάνατον εἰς τὸν ᾅδην·

[00212]    ἣν ἀνωτέρω πόρνην εἶπε, νῦν ἀφροσύνην ἐκάλεσε.

[00213]    Ταύτην οὖν φησι ζῶντας εἰς τὸν ᾅδην κατάγειν τοὺς χρωμένους αὐτῇ δικαίους·

[00214]    τοὺς δὲ ἀδίκους, τεθνεῶτας·

[00215]    ᾗ, φησὶν, οἱ χρώμενοι, μετὰ θάνατον πρὸς τὸν ᾅδην κατάγονται·

[00216]    ᾅδης δὲ λέγεται παρὰ τὸ ἰδεῖν ἀηδῶς τὰ ἐκεῖσε ἅπαντα κολαστήρια, τοὺς καταβαίνοντας·

[00217]    τοὺς καὶ μετὰ θάνατον καταβαίνοντας εἰς τὸν ᾅδην προσεύχεται ὁ ∆αυῒδ λέγων·

[00218]    Καταβήτωσαν εἰς ᾅδου ζῶντες, ὅτι πονηρία ἐν ταῖς παροικίαις αὐτῶν.

[00219]    Μακρὰν ποίησον ἀπ' αὐτῆς σὴν ὁδόν.

[00220]    [ξοδ.

[00221]    φ.

[00222]    ^[15] β.] Μὴ συναναστρέφου τοῖς τῆς αἱρέσεως δόγμασιν, μηδὲ ἐγγίσῃς προθύροις, τουτέστι τῇ ποικιλίᾳ ὧν αὕτη περιεποιήσατο θεσμῶν.

[00223]    Τὸ μὲν πηγὴν καλέσαι, τὴν ἀφθονίαν τοῦ πράγματος ἐνδείκνυται·

[00224]    τὸ δὲ αὐτῷ μόνῳ τὴν ἀπόλαυσιν ἐπιτρέψαι, τὴν ἡδονὴν ἐμφαίνει.

[00225]    Ἀλλοτρίας ἀγκάλας φησὶ τοὺς πονηροὺς λογισμοὺς, ἐν οἷς οὐ δεῖ ἐγχρονίζειν ὡς συνέχοντας τὴν ψυχὴν, οὓς καὶ μὴ λανθάνειν τὸν καρδιογνώστην Θεόν.

[00226]    Σειραῖς δὲ τῶν ἑαυτοῦ ἁμαρτιῶν ἕκαστος σφίγγεται.

[00227]    [ξοδ, φ.

[00228]    ^[28] β.] Κἂν μὴ ὁρᾷ, φησὶν, ὁ Θεὸς, ἀλλ' ἐνδιδούς σοι καιρὸν μετανοίας, οὐκ αὐτὸς τιμωρεῖται, ἀλλὰ σὺ σεαυτὸν ἐμβάλλεις εἰς τὰ τῆς ἁμαρτίας δίκτυα·

[00229]    σὺ σαυτῷ κατασκευάζεις τὰ δεσμά·

[00230]    μηδένα οὖν αἰτιῶ, μὴ Θεὸν, μὴ ἄνθρωπον·

[00231]    παρ' ἡμῖν τὰ κακά.

[00232]    Καλῶς εἶπεν ἀγρεύουσι, διὰ τὸ μὴ παρὰ πάντοτε τῶν ἁμαρτιῶν τὰς τιμωρίας ἐπάγεσθαι·

[00233]    οὐ πᾶσα δὲ ἁμαρτία σειρὰ λέγεται, ἀλλ' ἡ πλεκομένη μετὰ πράξεως ψεκτῆς καὶ γνώμης ἐπιλήπτου·

[00234]    ὁ γὰρ ἐπιθυμίαν τινὰ σχὼν, μὴ συζεύξας δὲ αὐτῇ τὴν ἐργασίαν τῆς ἁμαρτίας, ἁπλοῦν πάθος κέκτηται.

[00235]    Μὴ λάθῃς οὖν, φησὶ, σχοινοπλοκῶν κατὰ σαυτοῦ τῇ συνηθείᾳ τῆς ἁμαρτίας, καὶ ὡς θήραμα πρὸς τὴν ταύτης πρᾶξιν ἀγόμενος.

[00236]    Μηδένα οὖν αἰτιώμεθα παρ' ἡμῶν τὰ κακά·

[00237]    τούτοις αἰσχυνέσθωσαν καὶ Μανιχαῖοι·

[00238]    καὶ οὐχ ἁπλῶς δεσμεύονται, ἀλλὰ σφίγγονται, καὶ πρὶν ἢ προσαχθῆναι τῷ δικάζοντι, τιμωρίαν ἔδωκεν ἀπὸ τῆς συνειδήσεως.

[00239]    Οὗτος τελευτᾷ μετὰ ἀπαιδεύτων·

[00240]    ἐκ δὲ πλήθους τῆς ἑαυτοῦ πιότητος ἐξεῤῥίφη.

[00241]    [ξοδ.

[00242]    φ.

[00243]    ^[28] β.] Ἀγρευθεὶς γὰρ παρανομίᾳ, καὶ γεγονὼς ἀπαίδευτος, ταυτὰ ἐκείνοις πείσεται·

[00244]    καὶ ὁ μετὰ φονέων γὰρ ἔχων τὴν μερίδα, φονεύς.

[00245]    Ὅρα δὲ πῶς πικρὸν φανῆναι ποιεῖ τὸν θάνατον, εἰπὼν μετὰ τίνων ἀπόλλυται·

[00246]    φρικτὸν γὰρ καὶ τὸ μετὰ πονηρᾶς δόξης ἀπελθεῖν·

[00247]    ἐπλήθυνε γὰρ αὐτὰς, φησὶν, ἡ παρα ^[64.672] νομία, ἢν πιότητα εἶπεν·

[00248]    ἀφ' ἧς καὶ γέγονε σὰρξ, ἐκ τῶν τῆς σαρκὸς ἔργων, καὶ ἔξω τῆς ζωῆς ἐν ᾗ διεσώζετο.

[00249]    Καὶ ἀπώλετο δι' ἀφροσύνην, οὐ δι' ἐπιθυμίαν·

[00250]    εἶχε γὰρ τῆς ἐπιθυμίας ἀπόλαυσιν νόμιμον τὴν ἰδίαν γυναῖκα·

[00251]    ὥστε μηδεὶς αἰτιάσθω τὴν φύσιν, ἀλλὰ τὴν ἀμετρίαν τὴν οἰκείαν·

[00252]    τοῦτο δὲ οὐ τῆς φύσεως.

[00253]    ΚΕΦΑΛ.

[00254]    ΣΤʹ.

[00255]    Ἴσθι μὴ ἐκλυόμενος.

[00256]    [ξοδ.

[00257]    φ.

[00258]    ^[29] α.] Ἔσο μὴ ἀναπίπτων, μηδὲ τοὺς τόνους τῆς καρτερίας ὑπεκλύων·

[00259]    ἀλλὰ τὸ παρὰ σοῦ τῷ Θεῷ ἐγγυηθὲν σῶμα διεγείρων, καὶ ὑποπιέζων πρὸς ἀπόδοσιν τῶν αὐτῷ παρατιθέντων ἐντολῶν.

[00260]    Ἴθι πρὸς μύρμηκα, ὦ ὀκνηρέ.

[00261]    [ξοδ.

[00262]    φ.

[00263]    ^[29] β.] Πολλὴ κατηγορία, ἄνθρωπον ὄντα πρὸς τὸ ἄλογον πορεύεσθαι ζῶον παιδευθησόμενον ἀρετήν·

[00264]    εἶχε μὲν γὰρ καὶ μεῖζον ζῶον εἰπεῖν, ἀλλὰ τῇ εὐτελείᾳ τοῦ παραδείγματος, καταισχῦναι βούλεται τὸν ἀργοῦντα·

[00265]    ὅρα δὲ κατὰ τί ζηλῶσαι κελεύει·

[00266]    κατὰ τὸν πόνον, κατὰ τὸν ἱδρῶτα·

[00267]    κέχρησο πόνοις δικαίοις.

[00268]    Καλῶς δὲ εἶπεν, μηδὲ τὸν ἀναγκάζοντα ἔχων·

[00269]    παρούσης γὰρ αὐτῷ θέρους δαψιλοῦς τραπέζης, ὅτε οὐκ ἔστι λιμὸν ὑποπτεῦσαι·

[00270]    ἀλλ' οὐ πρὸς τὸ παρὸν ὁρᾷ, ἀλλὰ τοῦ μέλλοντος φροντίζει·

[00271]    καὶ οὐ ποιεῖ αὐτὸν ῥᾳθυμότερον ἡ παροῦσα εὐδαιμονία, ὥσπερ ἡμεῖς πολλάκις ἐν εὐθηνίᾳ διάγοντες οὐ λαμβάνομεν αἴσθησιν τῶν μελλόντων δεινῶν.

[00272]    Ὅρα οὖν καὶ σὺ, μή ποτέ σοι τῆς συλλογῆς ἐν τῷ παρόντι ἀφορισθείσης, περιστῇ ὁ χειμὼν, ὁ πικρὸς συγκλεισμὸς, καὶ τὸ τῶν παρθένων πάθῃς.

[00273]    [ξοδ.

[00274]    φ.

[00275]    ^[30] α.] Πορεύθητι πρὸς τὸν μύρμηκα, τουτέστι πρὸς τὸ ἔθνος τὸ ἐξουδενωμένον ὑπὸ τῶν ἀρχόντων τοῦ αἰῶνος τούτου, ἐλπίδα δὲ εἰς Χριστὸν κεκτημένον·

[00276]    καὶ μίμησαι τὴν καλὴν πολιτείαν αὐτοῦ, καὶ γενοῦ σοφώτερος.

[00277]    Ὁ γεωργίου μὴ ὑπάρχοντος, ἀντὶ τοῦ μηδεμίαν ἐλπίδα ἐν κόσμῳ κεκτημένος·

[00278]    μηδὲ ἀπατώμενος ὑπὸ θέας τῶν ἐν βίῳ πραττομένων ἀνομημάτων·

[00279]    μηδὲ βιαζόμενος ὑπό τινος, ἀλλ' ἑκὼν καὶ προαιρέσεως καρδίας πιστεύων τῷ Θεῷ, ἑτοιμάζεται δι' ἔργων ἀγαθῶν τὴν αἰώνιον ζωήν.

[00280]    Πορεύθητι πρὸς τὴν μέλισσαν.

[00281]    [ξοδ.

[00282]    φ.

[00283]    ^[30] β.] Πρόσδραμε τῇ ἐκκλησίᾳ, καὶ μάθε τὰ τοῦ φωτὸς ἔργα ἐν αὐτῇ γινόμενα, τήν τε ἐργασίαν αὐτῆς ὡς σεμνὴν ποιεῖται·

[00284]    τὴν δὲ πολιτείαν αὐτῆς, ὡς σώφρονα καὶ ἁγνὴν, ἐπιδεικνυμένη·

[00285]    ἧς τοὺς πόνους βασιλεῖς τε καὶ ἰδιῶται, ἧς τὰς ἐντολὰς πλούσιοι καὶ πένητες πρὸς σωτηρίαν ἑαυτῶν λαμβάνουσι, καίπερ οὖσα τῇ ῥώμῃ ἀσθενὴς, καίπερ οὖσα ἐν κόσμῳ εὐτελής·

[00286]    ἀλλ' εἰς Χριστὸν πιστεύουσα προσήχθη·

[00287]    πάρεστι γὰρ αὐτῷ πλουσία καὶ πολυτελὴς τράπεζα, κατὰ τὸν καιρὸν ὃν ἀποτίθεται·

[00288]    ἀλλ' οὐ πρὸς τὸ παρὸν ὁρᾷ, ἀλλὰ τοῦ μέλλοντος ποιεῖται πολλὴν τὴν πρόνοιαν·

[00289]    θέρους ἑτοιμάζεται τὴν τροφὴν, πολλὴν ἐν τῷ ἀμήτῳ ποιεῖται τὴν παράθεσιν.

[00290]    Ὅρα πῶς μέλλοντος φροντίζει τὸ ζῶον·

[00291]    καὶ σὺ τοίνυν ἀπολαύεις ἀσφαλείας κατὰ τὸν παρόντα βίον·

[00292]    ἀλλὰ περισκόπησον μήποτε τοῦ χειμῶνος ἐπιστάντος, κενή σοι καὶ ἔρημος τῆς τροφῆς οἰκία εὑρεθῇ.

[00293]    [ξοδ.

[00294]    φ.

[00295]    ^{[31] [64.673]} α.] Ὅρα αὐτῆς τὸ δίκαιον·

[00296]    οὐχὶ τοῖς μὲν βασιλεῦσι χρησίμη, τοῖς δὲ ἰδιώταις ἄχρηστος·

[00297]    ἴσως καὶ τούτων κἀκείνων τὸ πλῆθος θεραπεύει αὐτῆς τὸ φάρμακον·

[00298]    τῇ φύσει κάμνει, οὐχὶ ταῖς τιμαῖς·

[00299]    τοιοῦτος ἔσο καὶ σὺ, μὴ τιμῶν πρόσωπον, ἀλλὰ πραγμάτων φύσιν·

[00300]    καί τοι τί καλὸν ἔχει ἐν τῷ σώματι;

[00301]    οὐδέν·

[00302]    ὥστε ἵνα μὴ ἔχῃ ὀκνηρὸς εἰς ἀσθένειαν καταφυγεῖν, παρέλαβε ζῶον πάντων ἀσθενέστερον, ἀναιρῶν αὐτοῦ τὴν ἀπολογίαν.

[00303]    Ποθεινή τέ ἐστι, καὶ τοῖς οὐκ ἔχουσιν, οὐδὲ κεκτημένοις·

[00304]    καθ' ἑκάστην ἡμέραν ἐν ἀγροῖς, ἐν πόλεσι, πάντας μυρία τοῦ γένους τούτου διερχομένους ἐγκώμια ἀκουσόμεθα.

[00305]    Παραγίνεταί σοι ὥσπερ κακὸς ὁδοιπόρος ἡ πενία, καὶ ἡ ἔνδεια ὥσπερ ἀγαθὸς δρομεύς.

[00306]    [ξοδ.

[00307]    φ.

[00308]    β.] Οὐδὲν ἑκουσίου [νυμ ἀκουσίου ?] πενίας χαλεπώτερον, ἣ τῷ ἀργῷ τάχιστα παραγίνεται, τοὺς ἀγαθοὺς περὶ τὸν δρόμον τῇ ταχύτητι νικῶσα·

[00309]    ταῦτα δέ ἐστι πενία καὶ ἔνδεια·

[00310]    ἡ πενία μὲν, στέρησις γνώσεως·

[00311]    ἔνδεια δὲ, σπάνις ἀρετῶν.

[00312]    Ιδὲ τῆς ἐργασίας τὴν τελειότητα·

[00313]    οὐ παιδεύῃ παρὰ τῶν ἀλόγων;

[00314]    μάθε παρὰ τῆς πείρας τῶν πραγμάτων·

[00315]    ἀπεύχῃ τῶν ἀλόγων φανῆναι ἀλογώτερος.

[00316]    Οὐκοῦν καὶ τὴν πενίαν φεῦγε.

[00317]    Φορτικὸν ἐργασία;

[00318]    ἀλλ' ὅρα αὐτῆς τὸ τέλος.

[00319]    Ἡδὺς ὁ ὄκνος;

[00320]    ἀλλὰ σκόπει τὸ πέρας·

[00321]    μὴ τὰς ἀρχὰς τῶν πραγμάτων καταμανθάνωμεν, ἀλλὰ ποῦ τελευτῶσι βλέπωμεν·

[00322]    ὁ ἐξιὼν ἐκ τῆς οἰκίας οὐ βούλεται ἐπὶ τῆς ὁδοῦ μένειν, ἀλλὰ καὶ ἐν τῇ ἀρχῇ τῆς ἐξόδου ὢν, τῷ τέλει προσέχει·

[00323]    δι' ἐκεῖνα καὶ τὴν ἀρχὴν ποιεῖται, ὥστε τῆς ἀρχῆς τὸ τέλος ἀνύσαι·

[00324]    σὺ δὲ τοὐναντίον ποιεῖς.

[00325]    Ἐν παντὶ καιρῷ ὁ τοιοῦτος ταραχὰς συνίστησι πόλει.

[00326]    [ξοδ.

[00327]    φ.

[00328]    α.] Βαβαὶ, ὅσην ἔχει τὴν ἰσχὺν, ἐν παντὶ καιρῷ;

[00329]    κἂν γὰρ ἀγαθόν τι βούληται σημᾶναι, ὁ τῆς σημασίας τρόπος ὑποψίας μεστός·

[00330]    συγκρούων πλήθη, καὶ πόλεις ὅλας ἀναστάτους ποιῶν·

[00331]    ὁ τοιοῦτος οὐκ ἔχει πνεῦμα εἰρηνικὸν, οὐδὲ ἤκουσεν Ἰησοῦ λέγοντος·

[00332]    Μακάριοι οἱ εἰρηνοποιοί·

[00333]    διδάσκει δὲ διὰ τούτων μηδενὶ διδόναι λαβήν.

[00334]    Ὀφθαλμὸς ὑβριστοῦ, γλῶσσα ἄδικος, χεῖρες ἐκχέουσαι αἷμα δίκαιον.

[00335]    [ιβιδ.] Τῶν μελῶν τοῦ σώματος ἐκ μέρους πρὸς τὸ κακὸν ἐνεργείας σημαίνει·

[00336]    ὅπερ οὖν ἐν σώμασιν ὀφθαλμὸς, καὶ γλῶττα, καὶ χεῖρες, τοῦτο ἐν τῇ ψυχῇ λογισμὸς, ὁρμὴ, καὶ κρίσις·

[00337]    οὐχ ἁπλῶς δὲ ἡμῖν ταῦτα κατέλεξεν, ἀλλ' ἵνα μάθωμεν αὐτὰ σωφρονίζειν διὰ τοῦ φεύγειν τὴν μίμησιν.

[00338]    Ἐκχέουσιν αἷμα δίκαιον, οἱ τὸ αἷμα τοῦ Κυρίου πίνοντες καὶ αἰσχραῖς μολυνόμενοι πράξεσιν.

[00339]    Καρδία τεκταινομένη λογισμοὺς κακούς.

[00340]    [ξοδ.

[00341]    φ.

[00342]    β.]

[00343]    Ὅταν γὰρ ἀκάθαρτος ᾖ ἡ καρδία, καὶ τὰ μέλη πεποίηκεν ἀκάθαρτα·

[00344]    ἐξέχεε γὰρ ἔξω τὸν ἰόν.

[00345]    Καλῶς εἶπεν ἐκκαίει·

[00346]    πῦρ γάρ ἐστι τὸ ψεῦδος διϊστῶν τοὺς ἡνωμένους, οὐ μόνον οὐκ ὠφελοῦν, ἀλλὰ καὶ ἐκπολεμοῦν·

[00347]    κατὰ δὲ διάνοιαν, ^[64.676] ἀδελφοὶ ἂν εἶεν, οἱ τὸ τῆς υἱοθεσίας ἔχοντες χάρισμα, καὶ ὑπὸ τὸν αὐτὸν ὄντες πατέρα Χριστόν·

[00348]    οὓς ἄδικοι καὶ ἐμπαθεῖς λογισμοὶ ἐμπεσόντες, ταράττειν ἐπιχειροῦσιν·

[00349]    ἀνάπτοντες θυμὸν μὲν εἰς μῖσος, ἐπιθυμίαν δὲ, πρὸς αἰσχρὰς ἐργασίας.

[00350]    Ἄφαψαι δὲ αὐτοὺς ἐπὶ σῇ ψυχῇ, κ.

[00351]    τ.

[00352]    λ.

[00353]    [ξοδ.

[00354]    φ.

[00355]    α.] Ἀντὶ τοῦ σύνδησον ἐν τῷ βάθει τῆς διανοίας πρῶτον τὴν τῶν νόμων διδασκαλίαν ἐναποθέμενος·

[00356]    καὶ τότε δι' ἔργων ἀγαθῶν ἐπικοσμῶν, τῷ σῷ τραχήλῳ ἐπίσφιγξον.

[00357]    Καλὸς ἑταῖρος καὶ συνόμιλος·

[00358]    τὸ, τὰ λόγια τοῦ Θεοῦ διηνεκῶς μελετᾷν·

[00359]    καὶ μάλιστα ὅταν ἐπ' ἀγορᾶς βαδίζωμεν·

[00360]    τότε γὰρ ἡμῖν τούτων τῶν ὅπλων δεῖ μᾶλλον, ὅτι καὶ ὀφθαλμὸς τιτρώσκει, καὶ θυμὸς ἐκκαίει, καὶ ἐπιθυμία χρημάτων ἐκ τῶν ὁρωμένων ἐρεθίζει.

[00361]    Μελετήσεις γὰρ ἐν αὐτοῖς καθήμενος, καὶ πορευόμενος, καὶ κοιταζόμενος.

[00362]    Ἔλεγχος μὲν τῶν κακῶν ἐντολὴ, παιδεία δὲ τῶν ἀγαθῶν·

[00363]    διὰ γὰρ νόμου ἐπίγνωσις ἁμαρτίας.

[00364]    Τοῦ διαφυλάσσειν σε ἀπὸ γυναικὸς ὑπάνδρου, καὶ ἀπὸ διαβολῆς γλώσσης ἀλλοτρίας.

[00365]    [ξοδ.

[00366]    φ.

[00367]    β.] Ὅρα αὐτὸν τῆς σωφροσύνης πολὺν ποιούμενον λόγον·

[00368]    σκότος γάρ ἐστιν ἡ ἐπιθυμία·

[00369]    ἀπὸ διαβολῆς δὲ, ἀντὶ τοῦ οὐκ ἀπὸ μοιχείας μόνον, ἀλλὰ καὶ ὑποψίας·

[00370]    ἔστι γὰρ πολλάκις, τῆς μὲν ἁμαρτίας εἶναι καθαρὸν, τῆς δὲ ὑποψίας μὴ ἀπηλλάχθαι·

[00371]    ἀλλ' ἡ ἐντολὴ καὶ τοῦτο κατορθοῖ·

[00372]    εἴη δ' ἂν καὶ ὕπανδρος ἡ τῶν ἑτεροδόξων διδασκαλία, καὶ ὁ συκοφάντης αὐτῶν λόγος, ἣν φυλάσσεσθαι παραινεῖ.

[00373]    Μή σε συναρπάσῃ τὰ γοητεύματα τῆς κεκομψευμένης φράσεως.

[00374]    Τιμὴ πόρνης ὅση καὶ ἑνὸς ἄρτου.

[00375]    Τὴν βραχύτητα τῆς ἡδονῆς, καὶ τὴν εὐτέλειαν τοῦ ταύτης μισθώματος διὰ τοῦ ἑνὸς ἐνέφηνεν ἄρτου.

[00376]    [ξοδ.

[00377]    φ.

[00378]    α.] Οὐκ ἀθωωθήσεται.

[00379]    Οὐδὲ ὁ καθαρεύων τῆς πράξεως, ταῖς δὲ λοιπαῖς ὁμιλίαις μιαινόμενος, ἀθωωθήσεται·

[00380]    ἀντὶ τοῦ, καθαρὸς οὐκ ἔσται·

[00381]    ὡς γὰρ οὐκ ἔνι τοὺς ὀφθαλμοὺς ἀνοίξαντας, μὴ βλέπειν, οὕτως οὐκ ἔνι γυναικὸς ὁρωμένης, ἐπιθυμίαν μὴ τίκτεσθαι·

[00382]    τί οὖν πῦρ ἐπιστοιβάζεις τῇ φύσει;

[00383]    Κλέπτει γὰρ ἵνα ἐμπλήσῃ τὴν ψυχὴν αὑτοῦ πεινῶσαν.

[00384]    [ξοδ.

[00385]    φ.

[00386]    β.] Οὐκ ἀπολύων τὸν κλέπτην ἐγκλήματος τοῦτο λέγει, ἀλλὰ πρὸς σύγκρισιν·

[00387]    ὁ μὲν γὰρ τὴν πενίαν ἔχει ἀπολογίαν, ὁ δὲ ἀφροσύνῃ μόνῃ χειροῦται·

[00388]    καὶ ὁ μὲν ζημίᾳ ὑποκείσεται ἁλοὺς μόνῃ, ὁ δὲ θανάτῳ καὶ τούτῳ ἐπονειδίστῳ·

[00389]    κατὰ δὲ θεωρίαν, ὅτι οὐδὲν θαυμαστὸν, εἴ τις ἑνὶ καὶ δευτέρῳ κέχρηται θεωρήματι τῆς ἔξω σοφίας, ὡς δι' αὐτῶν εἰς φῶς ἄγειν τὸ ἀληθὲς, καὶ τὰ παρ' αὐτοῖς δοκοῦντα βέβαια διελέγχειν·

[00390]    ὁποῖος ὁ Παῦλος αἰχμαλωτίζων πᾶν νόημα εἰς Χριστὸν, καὶ τοὺς Ἀθηναίους ἐκ τῆς οἰκείας ποιήσας ἐπιγραφῆς·

[00391]    εἰ δὲ τὴν ἀληθῆ σοφίαν ἀφέντες, ἀγαπήσομεν τὴν τοῦ κόσμου, ἀφρόνως μοιχεύομεν.

[00392]    ΚΕΦΑΛ.

[00393]    Ζʹ.

[00394]    Περίθου αὐτοὺς τοῖς δακτύλοις.

[00395]    [ξοδ.

[00396]    φ.

[00397]    ^[35] α.] ∆άκτυλοι μὲν, τὰς μερικωτέρας πράξεις δηλοῦσιν·

[00398]    ἡ δὲ χεὶρ, ἐπὶ τῆς ὁλοσχεροῦς τάττεται πράξεως·

[00399]    φησὶν οὖν, ὅτι καὶ τῶν λεπτῶν μέχρι ἐργάζου τὴν ἀρετήν·

[00400]    οὕτως γὰρ πλατεῖαν ἕξεις τὴν καρδίαν εἰς τὴν τῶν ἀρετῶν ὑποδοχήν·

[00401]    ὃ τοῖς Κορινθίοις οὐκ ἔχουσι παρῄνει Παῦλος, Πλατύνθητε, λέγων, καὶ ὑμεῖς.

[00402]    [ξοδ.

[00403]    φ.

[00404]    β.] Ἀδελφὴ ἡμῶν τῶν γεγονότων ἡ θεωρία, συμπαραχθεῖσα τοῖς ἀσωμάτοις, ἦς εἴδη φρόνησις, γνῶσις, παιδεία.

[00405]    Ἀπὸ γυναικὸς ἀλλοτρίας, τῆς πολυθέου διδασκαλίας·

[00406]    ἡδέα γὰρ διδάσκει, στωμύλος οὖσα, ἡδονὴν καὶ φιλοχρηματίαν·

[00407]    Ἐάν σε λόγοις τοῖς πρὸς χάριν ἐμβάλληται·

[00408]    Οἱ πρὸς χάριν ἐμβάλλοντες λόγοι, οἱ ἐμπαθεῖς εἰσι λογισμοί·

[00409]    τηρεῖται δὲ ἀπὸ τῆς γεννώσης αὐτοὺς πονηρίας ὁ τῇ σοφίᾳ τοῦ Θεοῦ σχολάζων.

[00410]    Οἶκος αὐτῆς, τὸ πλάτος τῶν δογμάτων·

[00411]    θυρὶς, τὸ μερικόν.

[00412]    ΚΕΦΑΛ.

[00413]    Ηʹ.

[00414]    Υἱὲ, σὺ τὴν σοφίαν κήρυξον, κ.

[00415]    τ.

[00416]    λ.

[00417]    [ξοδ.

[00418]    φ.

[00419]    ^[38] α.] Ἐπιθύμησον, φησὶ τὴν σοφίαν, καὶ ἡ ἕξις τῶν φρενῶν ὑπακούσεταί σου·

[00420]    τὸ δὲ Ἐπ' ἄκρων, ἢ ὅτι φανερά ἐστιν, ἃ λέγει, ἢ ὅτι ὑψηλοὺς ποιεῖ·

[00421]    καὶ ὁ τέλειος εἰδὼς, ὅτι πάντα ἡ σοφία ἐποίησεν, ὁρᾷ καὶ ὕψος αὐτῆς, καὶ τὴν ἐπὶ τῶν τρίβων ταπείνωσιν ἢ ἐπίβασιν·

[00422]    ὁ δὲ ἀρτίφυτος μόνον τὸ ὕψος εἰδὼς, προσκαλέσασθαι αὐτὸν ὀφείλει ἵνα ἴδῃ αὐτήν·

[00423]    ὥστε ῥᾳδίως ἐπακοῦσαι τῆς φωνῆς·

[00424]    Μόνον βάδισον ἐπ' αὐτήν·

[00425]    τὸ παρὰ πύλαις δὲ δυναστῶν, ἢ ὅτι δυνάστας ποιεῖ, ἢ ὅτι ἐκεῖνοι μάλιστα αὐτῆς χρείαν ἔχουσιν·

[00426]    ἢ ὅτι τοῖς εἰσαγωγικοῖς παρεδρεύει τῶν διδασκάλων λόγοις·

[00427]    ἐν γὰρ τοῖς προθύροις αὐτῆς τις γενόμενος, ὑμνουμένης ἀκούει·

[00428]    λέγεται δὲ ποτὲ μὲν ἐν ἐξόδοις, ποτὲ δὲ ἐν εἰσόδοις ὑμνεῖσθαι παρὰ τοῖς ἐξερχομένοις ἀπὸ τῆς κακίας, καὶ εἰσερχομένοις εἰς τὴν ἀρετήν.

[00429]    Εἶτα εἰσάγει αὐτὴν διαλεγομένην, ὅπερ ἱκανὸν ἐπισπάσασθαι·

[00430]    Ὑμᾶς, ὦ ἄνθρωποι, παρακαλῶ·

[00431]    καὶ προΐεμαι ἐμὴν φωνὴν υἱοῖς ἀνθρώπων.

[00432]    Εἰ καὶ ὑμῶν ἐστι τὸ κέρδος, φησὶν, ἀλλ' ἐγὼ παρακαλῶ·

[00433]    ταὐτὸν δὲ ἄνθρωπος, καὶ υἱοὶ ἀνθρώπων·

[00434]    ἢ ἄνθρωποι μὲν, οἱ τέλειοι παρακλήσεως ἀξιούμενοι·

[00435]    υἱοὶ δὲ ἀνθρώπων, οἱ καταδεέστεροι, οἱ τέως φωνῆς ἀξιούμενοι.

[00436]    Κύριος ἐποίησε χώρας καὶ ἀοικήτους, καὶ ἄκρα οἰκούμενα τῆς ὑπ' οὐρανόν.

[00437]    [ξοδ.

[00438]    φ.

[00439]    ^[41] α.] Μὴ ἕτερον ἐπεισαγάγῃς δημιουργὸν, κἂν μηδεμίαν ὄνησιν ἡ ἀοίκητος ἔχει·

[00440]    διὰ τοῦτο δὲ ἐποίησε τὰ ἄκρα οἰκεῖσθαι, φησὶν, ἵνα τὰ πέρατα καὶ τὰς ἐσχατιὰς μαθὼν ἔργον εἶναι Θεοῦ, περὶ τῶν μέσων μὴ ὑποπτεύσῃς·

[00441]    ἢ ἄκρα, τὰ ἀκατάληπτα καὶ θεῖα μυστήρια·

[00442]    ὥσπερ καὶ χώρας μὲν τὰς καρποφόρους ψυχάς·

[00443]    ἀοικήτους δὲ, τὰς θείας ἐννοίας, ἃς οὐκ ἐξὸν ἀνθρώπῳ λαλῆσαι.

[00444]    ΚΕΦΑΛ.

[00445]    Θʹ.

[00446]    Ἡ σοφία ᾠκοδόμησεν ἑαυτῇ οἶκον, καὶ ὑπήρεισε στύλους ἑπτά.

[00447]    [ξοδ.

[00448]    φ.

[00449]    ^[42] β.] Σοφία ὢν ὁ Υἱὸς τοῦ Θεοῦ, γενόμενος ἄνθρωπος, αὐτὸς ἑαυτῷ κατεσκεύασεν οἶκον, τὴν ἐκ Παρθένου σάρκα·

[00450]    στύλους ἑπτὰ, πνεῦμα Θεοῦ, πνεῦμα σοφίας καὶ συνέσεως, πνεῦμα βουλῆς καὶ ἰσχύος, πνεῦμα γνώσεως καὶ εὐσεβείας, πνεῦμα φόβου Θεοῦ, ὥς φησιν Ἡσαΐας.

[00451]    Ἢ καὶ οἶκον τὴν Ἐκκλησίαν, στύλους δὲ τοὺς ἀποστόλους·

[00452]    ἢ τὸν σοφὸν ἄνδρα φησὶν, ὅτι ἀσφαλής ἐστιν ἑαυτῷ αὐτάρκης καὶ μὴ προσδεόμενός τινος, Οἶκος τῆς σοφίας, ἡ Ἐκκλησία·

[00453]    στύλοι, οἱ δοκοῦντες εἶναι στύλοι.

[00454]    Ἔσφαξε τὰ ἑαυτῆς θύματα.

[00455]    Θύματα τὰ θεῖα νοήματα, ἢ τὰς ἑρμηνείας τῶν Γραφῶν·

[00456]    κρᾶμα δὲ, τὸ συμμιγνύναι τῇ ἱστορίᾳ τὴν ἀναγωγήν·

[00457]    ἄκρατα γὰρ ὄντα τὰ θεῖα, χωρηθῆναι οὐ δύναται·

[00458]    διὰ τοῦτο λεπτομερῶς καὶ ποικίλως τὰ δόγματα καὶ τὰς ἑρμηνείας διαιροῦσα, τροφὴν τοῖς μαθητευομένοις ἐργάζεται.

[00459]    [ξοδ.

[00460]    φ.

[00461]    ^[33] α.] Ἐκέρασεν εἰς κρατῆρα τὸν οἶνον ἑαυτῆς.

[00462]    Ἄκρατα γὰρ ὄντα τὰ θεῖα, φωναῖς ἀνθρωπίναις ἐκέρασεν, ὅ ἐστιν σοφίᾳ ἀνθρώπων, ἵνα χωρῆσαι αὐτὴν δυνηθῶμεν.

[00463]    Τὰ θύματα, τοὺς μακαρίους προφήτας, κατὰ καιρὸν ἀναιρουμένους ὑπὸ τῶν ἀπίστων, καθὼς λέγει, ὅτι Ἕνεκα σοῦ θανατούμεθα ὅλην τὴν ἡμέραν.

[00464]    [ξοδ.

[00465]    φ.

[00466]    ^[43] β.] Ἀπέστειλε τοὺς ἑαυτῆς προφήτας καὶ ἀποστόλους μετὰ ὑψηλοῦ κηρύγματος, τουτέστι μετὰ δογμάτων οὐδὲν ταπεινὸν ἐχόντων καὶ καταβεβλημένον, ἐκκαλουμένους πάντα τὰ ἔθνη εἰς τὴν γνῶσιν τοῦ Θεοῦ·

[00467]    ὑψηλὸν δέ φησι τὸ, Εἰς πᾶσαν τὴν γῆν ἐξῆλθεν ὁ φθόγγος αὐτῶν.

[00468]    [ξοδ.

[00469]    φ.

[00470]    ^[44] α.] Τοῖς ἐνδεέσι, τοῖς μήπω κεκτημένοις τὴν δύναμιν τοῦ ἁγίου Πνεύματος·

[00471]    ἢ τοῖς ἀρξαμένοις μὲν, ἀτελέσι δέ.

[00472]    ∆εῦτε, ἐπίγνωτε τὴν ἀληθῆ καὶ εὐθεῖαν ὁδόν·

[00473]    καὶ Πίετε οἶνον, καὶ λάβετε Πνεῦμα ἅγιον ὡς οἶνον.

[00474]    Ἀπολίπετε ἀφροσύνην, ἐκκλίνατε τὰς ὁδοὺς τῆς ἀγνωσίας, καὶ ἐπίγνωτε τὴν αἰώνιον ζωήν·

[00475]    Φάγετε, ῥώσθητε ὑπὸ τῶν ἐμῶν λόγων καὶ μυστηρίων.

[00476]    ∆ίδου σοφῷ ἀφορμήν.

[00477]    [ξοδ.

[00478]    φ.

[00479]    ^[45] α.] Ἄρα ἀφορμὴ ὁ ἔλεγχος, σωτήριον πρᾶγμα καὶ χρήσιμον·

[00480]    ἢ τὴν διὰ τῶν ῥημάτων λέγει·

[00481]    οὕτω γὰρ ὑψωθήσεται πρὸς τὰς τῆς ἀναγωγῆς ἀκρότητας.

[00482]    Γνώριζε δικαίῳ, ἤτοι τῷ εὐγνώμονι γνώριζε τὰς τῆς δικαιοσύνης ὁδούς·

[00483]    καὶ προσθήσει, ἀντὶ τοῦ ἀγαπήσει σε, τὰ ἐξ ἀπροσεξίας ἁμαρτήματα, διὰ τοῦ ἐλέγχου διορθούμενος.

[00484]    Βουλὴ ἁγίων, σύνεσις.

[00485]    Βουλὴ ἁγίων διακρίνουσα τὰ πρακτέα καὶ μή·

[00486]    τοιαύτη γὰρ ἡ μετὰ συνέσεως βουλή.

[00487]    Πολὺν ζήσεις χρόνον.

[00488]    Τὸ πολὺν ἀντὶ τοῦ ἀπείρου κεῖται·

[00489]    ἢ μή ποτε ἀμφιβολίας ἡμᾶς ἀπαλλάττῃ·

[00490]    τὰ γὰρ ἔτη τῆς ζωῆς ταύτης αἰώνια.

[00491]    [ξοδ.

[00492]    ^[64.681] φ.

[00493]    ^[45] β.] Ὃς οὐ χρῆται τῇ τοῦ Θεοῦ σοφίᾳ, ποιμαίνει ἀνέμους, ἀνυποστάτους ἀρχὰς ἑαυτῷ καὶ τῶν πραγμάτων καὶ τῶν Γραφῶν ὑποτιθέμενος.

[00494]    Ὁδοὺς τοῦ ἑαυτοῦ ἀμπελῶνος, τὴν νομικὴν πολιτείαν φησὶν, ἐπὶ Χριστὸν ὁδηγοῦσαν·

[00495]    ἄμπελος γὰρ ὁ Ἰσραήλ.

[00496]    [ξοδ.

[00497]    φ.

[00498]    ^[46] α.] ∆έον γεωργεῖν, ὁ δὲ τί ποιεῖ;

[00499]    ∆ιαπορεύεται δι' ἐρήμου·

[00500]    ἄκαρπος γὰρ ἡ φύσις τοῦ ψεύδους.

[00501]    Εἶδες πῶς παρέστησε τοῦ ψεύδους τὴν φύσιν ἄκαρπον;

[00502]    ἀκάνθας καὶ τριβόλους μόνους κέκτηται ὁ τούτῳ ἐπερειδόμενος·

[00503]    εἴη δ' ἂν καὶ ἄνυδρος μὲν, ἡ μὴ ἔχουσα θείαν διδασκαλίαν·

[00504]    διψώδης δὲ ἡ μὴ πότιμον βλύζουσα ὕδωρ τοῦ Πνεύματος, ὃ ταῖς καρποφορούσαις πηγαῖς δίδοται παρὰ τοῦ Ἰησοῦ·

[00505]    ἀκαρπία δὲ, κακία καὶ ἄγνοια.

[00506]    Ἄρτων κρυφίων ἡδέως ἅψασθε.

[00507]    [ξοδ.

[00508]    φ.

[00509]    ^[46] β.] Καὶ ποία ἡδονὴ τῶν κεκλεμμένων, ἐν οἷς φόβος, κίνδυνος, προσδοκία θανάτου;

[00510]    καίπερ δὲ δοκοῦν ἡδὺ, οὐχ ἡδύ ἐστι·

[00511]    κατὰ τό·

[00512]    Ἡδύνθη αὐτοῖς ἄρτος ψεύδους, καὶ μετὰ τοῦτο·

[00513]    Πλησθήσεται τὸ στόμα αὐτῶν ψηφῖδος.

[00514]    Ἀλλ' ἀποπήδησον.

[00515]    [ξοδ.

[00516]    φ.

[00517]    ^[47] α.] Οὐκ εἶπεν ἀναχώρησον, ἀλλ' ἀποπήδησον.

[00518]    Μακάριον μὲν οὖν τὸ ἀποπηδῆσαι·

[00519]    δεύτερον δὲ τὸ μὴ ἐγχρονίσαι τοῖς φαύλοις νοήμασιν, ἀλλὰ διὰ μετανοίας παλινδρομῆσαι·

[00520]    οὐ γάρ ἐστιν ἀποθήσαντα πῦρ ἐν κόλπῳ, τὰ ἱμάτια μὴ κατακαῦσαι·

[00521]    μήτε τοῖς κακοῖς νοήμασιν ἐγχρονίσαντα, ἀδύνατον μὴ πυρὶ τῷ αἰωνίῳ παραδοθῆναι·

[00522]    ὅθεν δῆλον ὡς μακρὰν δεῖ τῆς κακίας ἐσκηνῆσθαι.

[00523]    [ιτα ξοδ.] Κρημνός ἐστιν ἡ ἁμαρτία·

[00524]    μακρὰν βάδιζε·

[00525]    ὁ γὰρ πλησίον, κἂν ἐν ἀσφαλείᾳ ᾖ, τρέμει καὶ δέδοικεν.

[00526]    Οὕτως γὰρ διαβήσῃ ὕδωρ ἀλλότριον.

[00527]    Ὕδωρ καλεῖ τὴν ἐπιθυμίαν, δεικνὺς ὅτι καθάπερ ὁ φιλονεικῶν πιεῖν ὕδωρ ἀπὸ τῆσδε τῆς πηγῆς, ἔγκλημα ἔχει, τὸ προκείμενον ἁρπάζων, καὶ τὸ μετὰ ἀφθονίας ὂν, οὕτω κἀνταῦθα.

[00528]    Ἢ ὅτι ὥσπερ παρὰ Θεῷ ἐστι πηγὴ ζωῆς, οὕτως καὶ παρὰ τῷ διαβόλῳ πηγὴ θανάτου·

[00529]    εἰ δὲ ἡ τοῦ Θεοῦ πηγὴ, ἀρετῆς καὶ γνώσεως ἐστὶ πηγὴ, ἡ τοῦ διαβόλου δηλονότι κακίας καὶ ἀγνωσίας ἐστὶ πηγή.

[00530]    Ὡσαύτως δὲ καὶ ἐπὶ τῶν ποταμῶν καὶ φρεάτων καὶ ὑδάτων καὶ ὑετῶν νοητέον·

[00531]    τὸ δὲ, προστεθῇ ἔτη, τοῦτο δηλοῖ, ὅτι σὺ εἶ κύριος τοῦ λαβεῖν.

[00532]    ΚΕΦΑΛ.

[00533]    Ιʹ.

[00534]    Οὐκ ὠφελήσουσι θησαυροὶ ἀνόμους.

[00535]    [ξοδ.

[00536]    φ.

[00537]    ^[47] β.] Τί οὖν;

[00538]    οὐ πολλοὶ διὰ χρημάτων θάνατον ἔφυγον;

[00539]    Ναί·

[00540]    ἀλλ' οὐχὶ καὶ τὴν ἁμαρτίαν ἀπεδύσαντο, πολλῷ δὲ χαλεπωτέραν θανάτου ζωὴν ἐξωνήσαντο·

[00541]    μὴ δὲ πεποιθότες ὦμεν ἐπὶ χρήμασιν, ἀλλ' ἐπ' ἀρετῇ·

[00542]    ἢ ὅτι ἐπιγενομένη ἡ δικαιοσύνη τοῖς πρὸς θάνατον ἁμαρτήμασιν, ῥύεται ἀπὸ θανάτου·

[00543]    πῶς δὲ οὐκ ὠφελήσουσιν, ἀνθ' ὧν ἐθησαύρισαν ἐν γῇ, Ὅπου σὴς καὶ βρῶσις ἀφανίζει, καὶ ὅπου κλέπται διορύσσουσι καὶ κλέπτουσιν;

[00544]    Ἡ δὲ δικαιοσύνη οὐ μόνον τοὺς αὐτὴν κτωμένους διασώζει, ἀλλὰ καὶ πολλοὺς ἐν αὐτῇ πρὸς ζῆλον ἐγείρει, καὶ ἐκ θανάτου πρὸς ἀθανασίαν αἰώνιον παραπέμπει.

[00545]    ^[64.684] Οὐ λιμοκτονήσει Κύριος ψυχὴν δικαίου, ζωὴν δὲ ἀσεβῶν ἀνατρέψει.

[00546]    [ιβιδ.] Πῶς γὰρ ἂν λιμώσσωσι, τὸν ζωῆς καὶ οὐράνιον ἄρτον ἔχοντες;

[00547]    Οἱ δὲ ἀσεβεῖς, κἂν εὐθηνίας ἀπολαύσωσιν, οὐδὲν αὐτοῖς ἔσται πλέον.

[00548]    Ἢ καὶ οὕτως·

[00549]    εἰ ἡ ζωὴ τῶν ἀσεβῶν, ἡ κακία ἐστὶ, ταύτην δὲ ἀνατρέψει ὁ Κύριος, ἔσονται δηλονότι ποτὲ οἱ ἀσεβεῖς οὐκ ἀσεβεῖς·

[00550]    μετὰ γὰρ ταύτην τὴν ἀνατροπὴν, ὁ Κύριος παραδώσει τὴν βασιλείαν τῷ Θεῷ καὶ Πατρὶ, ἵνα γένηται ὁ Θεὸς τὰ πάντα ἐν πᾶσι.

[00551]    Ψυχὴν δὲ δικαίαν γνώσεως καὶ σοφίας καὶ παντὸς ἀγαθοῦ ἐφιεμένην οὐ λιμοκτονήσει ὁ Κύριος.

[00552]    Εὐλογία Κυρίου ἐπὶ κεφαλὴν δικαίου·

[00553]    στόμα δὲ ἀσεβῶν καλύψει πένθος ἄωρον.

[00554]    [ξοδ.

[00555]    φ.

[00556]    ^[48] α.] Τοῦ μὲν δικαίου τὸ κεφάλαιον διασώζεται, στεφανοῦται·

[00557]    ὁ δὲ ἀσεβὴς, ἐπεὶ καὶ στόμα εἰς προσθήκην ἁμαρτιῶν κατακέχρηται, καὶ δι' αὐτοῦ ἁμαρτάνει, πένθει ἀώρῳ καλυφθήσεται.

[00558]    Ἢ οὕτως·

[00559]    ἐν τῷ ἡγεμονικῷ ἐννοεῖται εὐλογία καὶ ἡ σύνεσις, ὁ δὲ λόγος τῶν ἀσεβῶν ἐν παραθέσει μεγάλου πένθους νικᾷ·

[00560]    ἢ ὅτι ὁ λόγος αὐτῶν, χείρων ἀώρου πένθους ἐστίν·

[00561]    ἢ ἀντὶ τοῦ, καὶ τὸ στόμα αὐτῶν καλυφθήσεται, ἵνα τὸ πληρέστατον τῆς τιμωρίας ἐμφαίνῃ.

[00562]    Ὄνομα δὲ ἀσεβῶν σβέννυται.

[00563]    [ιβιδ.] Ἐν μέσῳ γὰρ φερομένου λόγου περὶ δικαίου, οὗτος μὲν ἐγκωμιάζεται, καὶ ἡ μνήμη ἀθανατίζεται·

[00564]    τοῦ δὲ ἀσεβοῦς οὐ μόνον ὁ θάνατος ἄωρος, ἀλλὰ καὶ τὸ ὄνομα ἀωρότερον σβέννυται.

[00565]    Σοφὸς καρδίᾳ δέξεται ἐντολάς·

[00566]    ὁ δὲ ἄστεγος χείλεσι σκολιάζων ὑποσκελισθήσεται.

[00567]    [ξοδ.

[00568]    φ.

[00569]    ^[48] β.] Σοφὸν καλεῖ τὸν εἰδότα, καὶ ἐκ φύσεως ἔχοντά τι·

[00570]    ὃς καὶ πεισθήσεται νόμῳ·

[00571]    ἄστεγον δὲ χείλεσι, τὸν ἄσοφον, τὸν στόμα ἀθύρωτον ἔχοντα, τὸν πάντα φθεγγόμενον, τὸν μηδὲν εἰδότα φυλάσσειν·

[00572]    ὃς οὐκ ἔμαθε τὸ, ἀκήκοας λόγον;

[00573]    συναποθανέτω σοι·

[00574]    ἢ ὅτι ποτὲ μὲν, τοῦτο λαλῶν, ποτὲ δὲ ἐκεῖνο, ὁ τοιοῦτος ἐμπόδια τίθησι τῇ ἑαυτοῦ ζωῇ·

[00575]    ἐν οἷς ὑποσκελισθήσεται, ἀντὶ τοῦ πεσεῖται.

[00576]    Ὃς πορεύεται ἁπλοῦς, πορεύεται πεποιθώς.

[00577]    [ιβιδ.] Καὶ μὴν κακουργία δοκεῖ πρᾶγμα ἀσφαλὲς εἶναι·

[00578]    ἡ δὲ ἀφέλεια, εὐεπηρέαστον εἶναι·

[00579]    ἀλλὰ τοὐναντίον φησὶν, ὅτι ὁ πορευόμενος ἀδόλως θαῤῥείτω·

[00580]    ὁ γὰρ διαστρέφων τὰς ὁδοὺς αὐτοῦ, καταφανὴς ἔσται·

[00581]    οὐ γὰρ ἔστι λαθεῖν τὸν κακοῦργον·

[00582]    ἢ ἀντὶ τοῦ, ὁ μηδὲν τῷ πλησίον τεκταινόμενος, οὐδὲ παρ' ἑτέρου ἐπιβουλὴν δέξεται·

[00583]    ὁ δὲ λαθραίως ἐπιβουλεύων, καὶ εἰς πρόσωπον ἐπαινῶν, οὗτος γνωσθήσεται, εἰ καὶ δοκεῖ λανθάνειν ἕως καιροῦ.

[00584]    Εἶτα παραινεῖ, ὅτι δεῖ μετὰ παῤῥησίας πάντα ποιεῖν.

[00585]    Αἱ πράξεις τοῦ δικαίου ἀπὸ πηγῆς ἀεννάου τῆς εἰπούσης·

[00586]    Ἐγώ εἰμι ἡ ζωὴ, ἀνελλιπῶς χορηγοῦνται·

[00587]    ὁ δὲ λαλῶν ἀσεβῆ, πεπαύσεται διαδεξαμένης κολάσεως.

[00588]    Ὃς ἐκ χειλέων προφέρει σοφίαν, ῥάβδῳ τύπτει ἄνδρα ἀκάρδιον.

[00589]    [ξοδ.

[00590]    φ.

[00591]    ^[49] α.] Ἵνα γὰρ μὴ λέγῃς τὸ ἀμύνασθαι ^[64.685] ἠθέλησεν, Οὐ λέγω, φησὶν, ὅτι ὕβρισον, ἀλλ' εἰπέ τι σοφὸν, καὶ πλήξεις τὸν ἐχθρὸν μᾶλλον, ἢ εἰ ῥάβδον εἶχες·

[00592]    ἐπὶ τῷ μὲν μισοῦντι, ἴδιον καὶ πλῆξαι·

[00593]    ὡς ἐὰν θέλῃς, τοῦτο ποίησον·

[00594]    οὐ γὰρ ἡ ὕβρις πλήττει, ἀλλ' ἡ ἐπιείκεια.

[00595]    Κτῆσις πλουσίων, πόλις ὀχυρά.

[00596]    Συντριβὴ δὲ ἀσεβῶν, πενία.

[00597]    [ιβιδ.] Οὐκ ἐπαρκεῖ ἑαυτῷ ὁ πλούσιος·

[00598]    εἰ γὰρ μὴ ἐν πόλει εἴη ἀσφαλεῖ, σφαλερὰ ἔσται ἡ κτῆσις αὐτοῦ·

[00599]    εἶτα καὶ τὴν πενίαν κακίζει·

[00600]    κατὰ δὲ διάνοιαν, τῶν κατὰ Θεὸν πλουτούντων οἱ μαθηταὶ τυγχάνουσιν ἀῤῥαγεῖς·

[00601]    οἱ δὲ ἀσεβεῖς μηδὲν ἔχοντες ἄξιον ἀκοῆς, ἀκροατὰς οὐκ ἔχοντες πένονται·

[00602]    διὸ καὶ ἀπόλλυνται.

[00603]    Ὁδοὺς ζωῆς, τὰς ἀγούσας ἐπὶ τὴν ἀρετήν·

[00604]    παιδείαν δὲ ἀνεξέλεγκτον, τὴν κακὴν τῆς ψυχῆς πολιτείαν, ἥτις λανθάνουσα πλάνην ποιεῖ.

[00605]    Παραπορευομένης καταιγίδος ἀφανίζεται ἀσεβής·

[00606]    δίκαιος δὲ ἐκκλίνας, σώζεται εἰς αἰῶνα.

[00607]    [ξοδ.

[00608]    φ.

[00609]    ^[50] β.]

[00610]    Ὅτι πειρασμοῦ ἐπερχομένου, ἀδεῶς ἁμαρτάνει·

[00611]    ὁ δὲ δίκαιος περιγενόμενος τοῦ πειρασμοῦ, δι' ὑπομονῆς καὶ εὐχαριστίας, σώζεται εἰς τὸν αἰῶνα.

[00612]    Ὅρα πῶς ἀσφαλὴς ἡ δικαιοσύνη·

[00613]    ὁ μὲν γὰρ ἐκκλίνας, ἤτοι μεταστραφεὶς, ἢ στεῤῥῶς ὑπομείνας, σώζεται·

[00614]    ὁ δὲ καίτοι μὴ ἁπλῶς ἐπιούσης, ἀλλὰ παραπορευομένης ταραχῆς ἤτοι πειρασμῶν, ἀφανίζεται·

[00615]    ἀδεῶς δὲ ἁμαρτάνει, τὴν δικαιοκρισίαν τοῦ Θεοῦ μὴ εἰδώς.

[00616]    Φόβος Κυρίου προστίθησιν ἡμέρας.

[00617]    Ἡμέρας τὰς ἀπὸ τοῦ τῆς δικαιοσύνης ἡλίου γινομένας·

[00618]    ὑπὲρ ὧν ὁ ∆αυῒδ εὔχεται·

[00619]    Μὴ ἀναγάγῃς με ἐν ἡμίσει ἡμερῶν μου·

[00620]    ὧν πλήρης γεγονὼς Ἀβραὰμ ἐξέλιπεν.

[00621]    ΚΕΦΑΛ.

[00622]    ΙΑʹ.

[00623]    Ζυγοὶ δόλιοι βδέλυγμα ἐνώπιον Κυρίου.

[00624]    [ξοδ.

[00625]    φ.

[00626]    ^[51] α.] Ἀπροσπαθὲς γὰρ ἡμῖν βούλεται εἶναι τὸ διακριτικόν·

[00627]    καὶ γὰρ ἡ ἡμετέρα κρίσις, ζυγός ἐστι τῶν πραγμάτων.

[00628]    Οὗ ἐὰν εἰσέλθῃ ὕβρις, ἐκεῖ καὶ ἀτιμία.

[00629]    Οὐ περὶ τῶν ὑβριζομένων, ἀλλὰ περὶ τῶν ὑβριζόντων φησί·

[00630]    διὰ τί;

[00631]    ἐκεῖνοι γάρ εἰσιν ἠτιμωμένοι·

[00632]    οὐχ ὁ κακῶς ἀκούων, οὐδὲ ὁ πάσχων, ἀλλ' ὁ ποιῶν·

[00633]    πάντες γὰρ ἐκεῖνον ἀπελαύνουσιν, ἅτε κοινὴν ὄντα λύμην·

[00634]    ἢ ὕβριν λέγει τὴν ὑπερηφανίαν·

[00635]    ὁ μὲν γὰρ ὑπερήφανος, ἄτιμος·

[00636]    ὁ δὲ ταπεινὸς, ἔντιμος καὶ σοφός.

[00637]    Τούτου γὰρ πρώτου δεῖται ἡ σοφία.

[00638]    Τελευτήσαντος ἀνδρὸς δικαίου οὐκ ὄλλυται ἐλπίς.

[00639]    [ξοδ.

[00640]    φ.

[00641]    ^[52] α.] Ἤλπιζε τὰ παιδία γενέσθαι καλά·

[00642]    ἤλπιζε μεγάλων ἐπιτεύξασθαι·

[00643]    ἢ εἰς τὴν ἀνάστασιν ἡμᾶς ὁ λόγος παραπέμπει·

[00644]    ἢ ὅτι εἰς τὰ ἔκγονα·

[00645]    ἢ ὅτι πάντων ἀπολαύσας, ἀπολαύσεται καὶ τῶν μελλόντων·

[00646]    ἢ ὅτι τῆς δόξης καὶ μετὰ θάνατον ἀπολαύει.

[00647]    Ἀνὴρ δίγλωσσος, κ.

[00648]    τ.

[00649]    λ.

[00650]    ^[64.688] [ξοδ.

[00651]    φ.

[00652]    ^[52] β.] Τὸν δολερόν φησιν ἐνταῦθα, τὸν οὐκ ἀληθῆ·

[00653]    ὃς λέγων, ὃ μὴ ἔχει κατὰ ψυχὴν, τῆς ἑκάστου διανοίας ἐν συνεδρίῳ πεῖραν λαμβάνει.

[00654]    Ὁ δὲ πιστὸς πνοῇ ἤτοι ἀπὸ βάθους καρδίας, οἰκονομῶν τοὺς λόγους αὑτοῦ ἐν κρίσει, τὰ μὲν πρὸς τὸ συμφέρον λέγει, τὰ δὲ σιωπᾷ.

[00655]    Οἱ δὲ ἀνδρεῖοι ἐρείδονται πλούτῳ.

[00656]    [ξοδ.

[00657]    φ.

[00658]    ^[53] α.] Οὐδὲ τοῦ πλούτου ἀπάγει, ὃν μᾶλλον ἔχει ὁ ἐνεργὴς τοῦ ὀκνηροῦ·

[00659]    ἢ καὶ νοητῶς·

[00660]    ὁ μὴ τῷ πνεύματι ζέων, ἀλλ' ὀκνηρὸς τῇ σπουδῇ, πλούτου πνευματικοῦ ἐπιδέεται.

[00661]    Ὥσπερ ἐνώτιον ἐν ῥινὶ ὑὸς, οὕτως γυναικὶ ἄφρονι κάλλος.

[00662]    [ξοδ.

[00663]    φ.

[00664]    ^[54] α.] Τίνος οὖν ἕνεκεν ἐν τούτῳ τῷ ζώῳ ἤγαγε τὸ παράδειγμα, καὶ οὐχ ἕτερον ἔλαβε ζῶον;

[00665]    Ὅτι καθάπερ ἡ ὗς τούτῳ μάλιστα τῷ μέρει τοῦ σώματος τὸν βόρβορον ἀνακινοῦσα, τὸν χρυσοῦν ἐκεῖνον διαφθείρει κόσμον, οὕτω καὶ ἡ γυνὴ καταισχύνει τὴν εὐμορφίαν.

[00666]    Τίνος οὖν ἕνεκεν γέγονε καλή;

[00667]    καὶ οὐ λέγει τίνος ἕνεκεν γέγονεν ἄφρων;

[00668]    Συγχωρεῖ ὁ Θεὸς καὶ ταῖς ἀνοήτοις γυναιξὶ γίνεσθαι καλαῖς, ἵνα ἡ φρονίμη καὶ συνετὴ μὴ θαυμάζῃ τὸ κτῆμα, ἀλλ' ἐπαισθήσεται τοῦ ὄντος καλοῦ.

[00669]    Συνεχώρησε καὶ τοῖς ἄφροσι γενέσθαι πλουσίοις, ἵνα ὁ φρόνιμος εἰδῇ τὸ ἐνδεὲς, ἵνα μὴ περὶ ταῦτα ἐπτοημένος ᾖ, ἀλλ' ἐκεῖνο διώκῃ τὸ καὶ ταῦτα ποιοῦν καλά.

[00670]    Εἰσὶν οἱ τὰ ἴδια σπείροντες, οἳ πλείονα ποιοῦσιν·

[00671]    εἰσὶ δὲ οἱ συνάγοντες τὰ ἀλλότρια, οἳ ἐλαττοῦνται.

[00672]    [ιβιδ.] Ἴδοις σκορπισμὸν, προσόδου ὑπόθεσιν·

[00673]    καὶ συναγωγὴν ἐλαττουμένην·

[00674]    εἰ δὲ εἰσὶ τινὲς, οἷς τοὐναντίον συμβαίνει, σύμφημι, ὅτι οὐκ ἐπὶ πάντων τοῦτο συμβαίνει·

[00675]    ὥστε μὴ ἀναγκαστὴν εἶναι τὴν ἀρετήν.

[00676]    Εἰ γὰρ ἐποίησε πάντας τοὺς πλεονεκτοῦντας πένητας, καὶ πάντας τοὺς ἐλεήμονας πλουσίους, ὡς ἀνάγκης οὔσης, πάντες ἐπέτρεχον·

[00677]    ἀλλ' οὔτε τὸ πᾶν ἐποίησεν, ἵνα μὴ ἀνάγκη ᾖ·

[00678]    οὔτε τὸ πᾶν εἴασεν, ἵνα μὴ πολέμους ἐγείρῃ.

[00679]    Ὁ συνέχων σῖτον, ὑπολίποιτο αὐτὸν τοῖς ἔθνεσιν.

[00680]    [ξοδ.

[00681]    φ.

[00682]    ^[54] β.] Θέλων δεῖξαι τὸ τοῦ πράγματος δεινὸν, καὶ ἀρᾷ κέχρηται·

[00683]    οἷον μὴ ἀπόναιτο αὐτοῦ, ἀλλὰ πολεμίοις ἀπολίποιτο·

[00684]    οὕτω καὶ Παῦλος·

[00685]    Ὄφελον, καὶ ἀποκόψονται οἱ ἀναστατοῦντες ὑμᾶς·

[00686]    καὶ οἱ Ἰουδαῖοι σῖτον ἔχοντες τὴν παλαιὰν Γραφὴν καὶ συνέχοντες αὐτὴν, ὑπελίποντο αὐτὴν ἡμῖν τοῖς ἔθνεσιν·

[00687]    ἦρται γὰρ ἀπ' αὐτῶν ἡ βασιλεία.

[00688]    Ἢ τὴν κοινὴν τροφὴν λέγει·

[00689]    εἰ δὲ εἰκότως λιμὸν πραγματεύῃ καὶ ἐμπορεύῃ, καὶ τὸν μὲν Θεὸν παρακαλεῖς ποιῆσαι εὐετηρίαν, αὐτὸς δὲ λιμὸν κατασκευάζεις, οὐδὲν τούτου πονηρότερον.

[00690]    Ὁ τιμιουλκῶν γὰρ σῖτον δημοκατάρατος.

[00691]    Ἐνταῦθα οὐχὶ ἀναίρεσις, ἀλλὰ ἀρά·

[00692]    τουτέστιν ἀπολίποιτο τοῖς πολεμίοις.

[00693]    Οὗτος ἀνατελεῖ.

[00694]    [ξοδ.

[00695]    φ.

[00696]    ^[55] α.] Ἢ ὅτι φῶς γίνεται·

[00697]    οἷον, ἐκεῖνος μὲν ἀποθανεῖται, μὴ καρπωσάμενός τι τῶν αὐτοῦ·

[00698]    ^[64.689] ὁ δὲ, φῶς ἔσται, σπείρων ἐν τῷ νῦν αἰῶνι, ἐλπίδι τοῦ μέλλοντος·

[00699]    ἢ τὸ ἀνατελεῖ, ἀντὶ τοῦ βλαστήσει·

[00700]    εἰ δὲ ἐκεῖνος, πολλῷ μᾶλλον τὰ γεννήματα αὐτοῦ.

[00701]    Ἐκ καρποῦ δικαιοσύνης φύεται δένδρον ζωῆς·

[00702]    ἀφαιροῦνται δὲ ἄωροι ψυχαὶ παρανόμων.

[00703]    [ιβιδ.] Καρπὸς δικαιοσύνης, τὸ τέλος τῆς ἀρετῆς, ἐξ οὗ φύεται δένδρον ζωῆς·

[00704]    ἄωροι δὲ οὐ τῇ ἡλικίᾳ, ἀλλὰ τῇ ἐργασίᾳ, μὴ ἔχοντες καρπὸν ὥριμον·

[00705]    οὐ πολλάκις ταῦτα γίνεται·

[00706]    διὰ τί, ὁ μὲν πρὸς γῆρας λιπαρὸν ἀπήντησεν, ὁ δὲ ἐν προθύροις ἀνηρπάσθη τῆς ζωῆς;

[00707]    Μάθωμεν τὴν αἰτίαν, καὶ μὴ ἀπορῶμεν.

[00708]    Τί οὖν;

[00709]    ὅτι τὸ ἐναντίον συμβαίνει, ἵνα μὴ ἀναγκαστὴ ἡ ἀρετὴ ᾖ.

[00710]    Εἰ ὁ μὲν δίκαιος μόλις σώζεται, ὁ ἀσεβὴς καὶ ἁμαρτωλὸς ποῦ φανεῖται;

[00711]    [ξοδ.

[00712]    φ.

[00713]    ^[55] β.]

[00714]    Πρόσεχε ὅτι μακρὸς ὁ βίος, πολὺ τὸ μόνιμον τῆς ζωῆς, πολλαὶ αἱ ἐπιβουλαί·

[00715]    οὐ γὰρ δὴ τοῦτό φησιν, ὅτι μετὰ τὸ κατορθῶσαι·

[00716]    πλὴν εἰ καὶ τοῦτο λέγῃ, καλῶς λέγει·

[00717]    εἰ γὰρ ἐξέτασις γένηται τῶν εἰς ἡμᾶς τοῦ Θεοῦ καὶ τῶν ἡμετέρων, τίς ἐνώπιον αὐτοῦ δικαιωθήσεται, κἂν αὐτοῦ τοῦ ἡλίου καθαρώτερός τις ᾖ;

[00718]    Εἴη δ' ἂν δίκαιος μὲν, ὁ πρακτικός·

[00719]    ἀσεβὴς δὲ, ὁ Θεὸν μισῶν·

[00720]    ἁμαρτωλὸς, ὁ περὶ τὰς πράξεις πονηρός.

[00721]    ΚΕΦΑΛ.

[00722]    ΙΒʹ.

[00723]    Ὁ ἀγαπῶν παιδείαν, ἀγαπᾷ αἴσθησιν, κ.

[00724]    τ.

[00725]    λ.

[00726]    [ξοδ.

[00727]    φ.

[00728]    ^[55] β.] Ὁ τὴν ἠθικὴν παίδευσιν ἀγαπῶν, γνώσεώς ἐστιν ἐραστὴς τῆς γυμναζούσης τὰ αἰσθητήρια πρὸς διάκρισιν καλοῦ καὶ κακοῦ·

[00729]    ὁ δὲ ἀποστρεφόμενος τὴν ἐπίγνωσιν, διὰ παντὸς ἀγνοεῖν βουλόμενος, ἀφραίνει.

[00730]    Ὥσπερ γὰρ ὁ μὴ θέλων θεραπευθῆναι, νοσώδης γίνεται, οὕτω καὶ οὗτος ἄφρων.

[00731]    Κρείσσων ὁ εὑρὼν χάριν παρὰ Κυρίῳ·

[00732]    ἀνὴρ δὲ παράνομος παρασιωπηθήσεται.

[00733]    [ξοδ.

[00734]    φ.

[00735]    ^[56] α.] Τὸ, κρείσσων, οὐ συγκριτικὸν, ἀλλ' ἀντὶ τοῦ ἀγαθός ἐστι·

[00736]    τίς γὰρ πρὸς τὸν παράνομον σύγκρισις, τοῦ παρὰ Κυρίῳ χάριν εὑρίσκοντος;

[00737]    Τὸ δὲ παρασιωπηθήσεται, ἀντὶ τοῦ οὐδὲ λόγου ἀξιωθήσεται, παρὰ τῷ Κυρίῳ δηλονότι.

[00738]    Οὐ κατορθώσει ἄνθρωπος ἐξ ἀνόμου.

[00739]    Ὅρα πῶς ποτὲ μὲν ἀπὸ τῆς τοῦ Θεοῦ ψήφου, ποτὲ δὲ ἀπὸ τῆς τῶν ἀνθρώπων πραγμάτων ἐνάγει·

[00740]    ἐξ ἀνόμου οὐδὲν κατορθώσει·

[00741]    ἐν ἀνομίᾳ πάντα διεστραμμένα.

[00742]    Γυνὴ ἀνδρεία, στέφανος τῷ ἀνδρὶ αὐτῆς, κ.

[00743]    τ.

[00744]    λ.

[00745]    [ξοδ.

[00746]    φ.

[00747]    ^[56] α.]

[00748]    Συνεχῶς λέγει καὶ τὰ καλὰ καὶ τὰ ἐναντία κεῖσθαι ἐν ταῖς γυναιξὶν, ἐπειδὴ διηνεκοῦς ἰατρείας δεῖται.

[00749]    Μέλλων οὖν ἄγεσθαι γυναῖκα, μὴ βίου κοινωνὸν ζήτει μόνον, ἀλλὰ καὶ ἀρετῆς·

[00750]    οὐκ ἔστι γὰρ γυναικὸς διεφθαρμένης, τὸν ἄνδρα μὴ συναπόλλυσθαι·

[00751]    ὥστε ἀρετὴν ζήτει, μὴ χρήματα·

[00752]    ἡ μὲν καλὴ, στέφανος δόξης γενήσεται ἀνδρικὴ οὖσα·

[00753]    ἡ δὲ φαύλη παραπλησίως σκώληκι ἐν αὐτῇ καθημένη τῇ καρδίᾳ, ἠρέμα καὶ κατὰ μικρὸν διαφθείρει·

[00754]    καὶ τὸ τοῦ δεινοῦ χαλεπώτερον, οὐδὲ ὁρωμένη τοῖς ἔξωθεν, ἀλλ' ἔνδον τὸν ἰὸν ἐναφίησι, καὶ δαπανᾷ τὴν ἀθλίαν ψυχήν.

[00755]    Ἢ καὶ ἄλλως·

[00756]    ἡ μὲν ἀρετὴ τὸν ἑαυτῆς κοσμεῖ ἡ δ' αὖ κακία, τὸν κακὸν ἐφύβριστον ἔτι ποιεῖ.

[00757]    ^[64.692] Λογισμοὶ δικαίων κρίματα·

[00758]    κεκριμένοι γάρ εἰσι καὶ ἁπλοῖ·

[00759]    ἢ ὅτι πάντοτε Θεοῦ κρίματα καὶ ἐντολὰς μελετῶσιν οἱ δίκαιοι·

[00760]    ἢ κρίματα ἐργάζονται κατὰ νοῦν πάντοτε·

[00761]    κάθηται γὰρ κριτὴς ὁ νοῦς ἡμῶν, κρίνων ἑκάστην ἀρετὴν μετὰ τῆς ἀντιδιατιθεμένης αὐτῷ κακίας·

[00762]    καὶ τὴν μὲν καταδικάζει, τὴν δὲ δικαιοῖ.

[00763]    Κρείσσων ἀνὴρ ἐν ἀτιμίᾳ δουλεύων ἑαυτῷ.

[00764]    [ξοδ.

[00765]    φ.

[00766]    ^[57] α.]

[00767]    Ἐπειδὴ πολλοὶ τὴν ἐργασίαν οὐχ ὡς ἐπίπονον φεύγουσι μόνον, ἀλλὰ καὶ ὡς αἰσχρὰν, πρῶτον μὲν ἔπεισεν αὐτοὺς πρὸς τὸν μύρμηκα τοὺς ἀνθρώπους ὁρᾷν, νῦν δὲ καὶ ταύτην ἀναιρεῖ τὴν ὑποψίαν·

[00768]    τί λέγεις;

[00769]    ἀτιμία τὸ πρᾶγμά ἐστιν;

[00770]    καὶ πόσῳ βέλτιον, ἀτιμίαν ἢ λιμὸν ὑπομένειν;

[00771]    διὰ τί γὰρ ἀτιμία;

[00772]    μὴ ἑτέρῳ δουλεύεις, οὐχὶ σεαυτῷ;

[00773]    κἂν μυρίοις δουλεύῃς, οὐκ ἐκείνοις δουλεύεις ἀλλὰ σεαυτῷ·

[00774]    εἰ μὴ γὰρ σεαυτὸν ἀπαλλάξαι ἐσκόπεις λιμοῦ [ιτα ξοδ.], οὐδ' ἂν ἐποιήσω λόγον ἐκείνων·

[00775]    ὥστε σὺ καρποῦσαι τὸ κέρδος τῆς δουλείας·

[00776]    οὐκοῦν ἑαυτῷ δουλεύεις.

[00777]    Οὐχ ὁρᾷς τοὺς στρατιώτας;

[00778]    ἕκαστος τούτων ἑαυτῷ δουλεύει·

[00779]    καὶ ὁ χειροτέχνης.

[00780]    Μὴ τοίνυν ἀγανάκτει·

[00781]    σὺ σαυτοῦ δεσπότης εἶ, καὶ οὐχ ἕτερός τις.

[00782]    Οὐχ ὁρᾷς τοὺς πένητας οὐδενὶ δουλεύοντας;

[00783]    ἄρα κἀκεῖνοι ἑαυτοῖς δουλεύουσι·

[00784]    ποία δὲ τιμὴ, ὅταν ἄρτου προσδέονται;

[00785]    ∆ίκαιος οἰκτείρει ψυχὰς κτηνῶν αὑτοῦ.

[00786]    Φιλανθρωπίας γυμνάσιον γὰρ, τὸ ἐν τοῖς ἀλόγοις ἐθίζεσθαι τὴν πρὸς τὸν ὁμόφυλον συμπάθειαν·

[00787]    ὁ γὰρ ἐλεῶν ταῦτα, πολλῷ πλέον ἀδελφόν·

[00788]    ἄλλως δὲ κτήνους δίκην, καὶ οἱ τὴν φύσιν νωθρότεροι·

[00789]    οὓς οἰκτείρων, διδάσκει καὶ ὠφελεῖ·

[00790]    δικαιοσύνη δὲ ματαία ἐστὶ, τὸ περὶ τὰ μηδὲν ὠφελοῦντα πτοῆσθαι.

[00791]    Τί λέγεις;

[00792]    ὁ δίκαιος οἰκτείρει ψυχὰς κτηνῶν αὑτοῦ;

[00793]    Ναί·

[00794]    καί γε ἐνταῦθα, πολλὴν χρὴ τὴν φιλανθρωπίαν ἐπιδείκνυσθαι, ἵνα ἐγγυμναζώμεθα πρὸς τὸν ὁμόφυλον·

[00795]    ἐπεὶ οὐχ ἁπλῶς ἐκέλευσεν ὁ Θεὸς, καὶ τὰ καταπίπτοντα συνδιεγείρειν, καὶ τὰ πεπλανημένα ὑποστρέφειν, καὶ τὸν βοῦν μὴ φιμοῦν·

[00796]    πάσης δὲ φειδοῦς ἡμᾶς εἶναι βούλεται τοῖς ἀλόγοις·

[00797]    πρῶτον μὲν, δι' ἡμᾶς αὐτούς·

[00798]    δεύτερον δὲ, ἵνα καὶ ἐπὶ τὰς σωματικὰς ἡμῖν ὑπηρεσίας ἀρκῇ·

[00799]    ὅμως τὸ αὐτὸ καὶ φιλανθρωπίας γυμνάσιον καὶ θεραπείας·

[00800]    ὁ γὰρ τὸ ἀλλότριον ἐλεῶν, πολλῷ μᾶλλον τὸ οἰκεῖον;

[00801]    ὁ τὸν διακονούμενον, πολλῷ μᾶλλον τὸν ἀδελφόν.

[00802]    Ἀλλ' ἐκεῖνό σοι χρείαν τὴν ἀπὸ τῆς διακονίας παρέχει, οὗτος δὲ ποίαν;

[00803]    πολλῷ μείζονα, τὴν ἀπὸ Θεοῦ.

[00804]    Ὁρᾷς δουλείαν οἵαν δουλεύομεν τοῖς κτήνεσι, καὶ οὐχ ἡγούμεθα ἀτιμίαν;

[00805]    οὐ γὰρ ἐκείνοις δουλεύομεν, ἀλλ' ἑαυτοῖς.

[00806]    Ὁ ἐργαζόμενος τὴν ἑαυτοῦ γῆν, ἐμπλησθήσεται ἄρτων·

[00807]    οἱ δὲ διώκοντες μάταια, ἐνδεεῖς φρενῶν.

[00808]    [ξοδ.

[00809]    φ.

[00810]    ^[57] β.]

[00811]    Πρὸς γεωργικὸν καὶ φιλόσοφον προτρέπεται βίον, καὶ τὴν μετὰ δικαιοσύνης ἐργασίαν·

[00812]    ἡ γὰρ ἀργία τὴν κακίαν εἰσήνεγκεν·

[00813]    ἀποδιώκειν δὲ μάταιά ἐστι, τὸ περὶ τὰ μηδὲν ὀνοῦντα διεπτοῆσθαι.

[00814]    Τί γὰρ, φησὶν, εἰ ἀργὸς μὲν ἦς, τὰ δὲ καλῶς συλλεγόμενα κακῶς ἐκφορεῖς, μεθύων ἢ γα ^[64.693] στριζόμενος;

[00815]    Οὐκ εἶπεν, Ἐργάζου καὶ πλεονέκτει·

[00816]    καλὸν ἡ ἐργασία ἡ μετὰ δικαιοσύνης.

[00817]    Ἀπὸ καρποῦ στόματος ψυχὴ ἀνδρὸς πλησθήσεται ἀγαθῶν.

[00818]    [ξοδ.

[00819]    φ.

[00820]    ^[58] α.] Μὴ νομίσῃς ἐν τοῖς ἔργοις εἶναι μόνον τὴν ἀρετὴν, καὶ ἐν λόγοις τὸ πλέον ἐστίν·

[00821]    ἀπὸ γὰρ καρποῦ διανοίας ἀγαθῆς, λόγος ἀγαθός·

[00822]    λόγου δὲ ἀγαθοῦ καρπὸς, πρᾶξις ἀρετῆς, ἀγαθῶν ἐμποιητική·

[00823]    ὁ λόγος τῆς ἀνδρείας ψυχῆς εἰς ἀρετὴν ἄγων ἀγαθὸς, καὶ ἀγαθῶν ἐμποιητικός.

[00824]    Ὁδοὶ ἀφρόνων ὀρθαὶ ἐνώπιον αὐτῶν.

[00825]    Ὃ λέγει, τοιοῦτόν ἐστιν·

[00826]    ὅτι ὁ μωρὸς νομίζεται ἄληπτος εἶναι·

[00827]    δύο κακὰ, καὶ τὸ μωρὸς εἶναι, καὶ τὸ ἁμαρτάνοντα μὴ νομίζειν ἁμαρτάνειν·

[00828]    ὥσπερ γὰρ ὁ διεστραμμένος νομίζει ὀρθὰ βλέπειν, καὶ ὁ τὰς αἰσθήσεις βλαβεὶς νομίζει σωφρονεῖν·

[00829]    οὕτω τοῦτο πρῶτον τιμωρίας τεκμήριον, τὸ καὶ τὴν αἴσθησιν ἀνῃρῆσθαι·

[00830]    διὰ τοῦτο οὐδὲ συμβουλίας δέχεται.

[00831]    Εἰσακούει συμβουλίας σοφός.

[00832]    Τουτέστιν ὁ σοφίας ἀρξάμενος·

[00833]    ὥστε τοῦτο, ὃ νομίζεις φρονήσεως εἶναι τὸ μηδενὸς ἀκούειν, μωρίας ἐστίν·

[00834]    ὃ δὲ νομίζεις μωρίαν εἶναι, τοῦτο σοφίας, τὸ δεῖσθαι ἑτέρου.

[00835]    Ἄφρων αὐθημερὸν ἐξαγγέλλει ὀργὴν ἑαυτοῦ, κρύπτει δὲ τὴν ἑαυτοῦ ἀτιμίαν ἀνὴρ πανοῦργος.

[00836]    [ξοδ.

[00837]    φ.

[00838]    ^[58] α.] Τουτέστιν ὁ μικρόψυχος καὶ κοῦφος, ἀκαρτέρητός ἐστιν, οὐ φέρει τὸν θυμὸν, φανεροῖ τὴν ὀργὴν αὑτοῦ εὐθέως ἐκ μικροψυχίας·

[00839]    ὁ δὲ φρόνιμος κἂν ὀργίλος ᾖ, συγκαλύπτει ἐν ἑαυτῷ τὴν ὀργήν·

[00840]    ἡ γὰρ ἀτιμία τὴν ὀργὴν δηλοῖ·

[00841]    Γλῶσσαν ἔχει ἄδικον.

[00842]    [ξοδ.

[00843]    φ.

[00844]    ^[58] β.] Ὁρᾷς καὶ ἐκεῖ γλῶσσαν καὶ ἐνταῦθα·

[00845]    ἀλλ' οὐκ ἴσα τὰ ἀπ' αὐτῆς·

[00846]    ἀλλ' ἐκεῖ μὲν φάρμακα, ἐνταῦθα δὲ τραύματα·

[00847]    τί τούτου γένοιτ' ἂν ἐναντιώτερον;

[00848]    Ὁρᾷς μὴ ἐν φύσει τὸ κακὸν, ὁπόταν ἡ χρῆσις ἐφ' ἑκάτερα φανερὰ ᾖ;

[00849]    Οὐκ ἀρέσει τῷ δικαίῳ οὐδὲν ἄδικον.

[00850]    [ξοδ.

[00851]    φ.

[00852]    ^[59] α.] Ὥσπερ δὲ οὐκ ἀρέσκει τῷ δικαίῳ οὐδὲν ἄδικον, οὕτως οὐδὲ τῷ ἀδίκῳ τὸ δίκαιον·

[00853]    οὐκ ἄρα παρὰ τὴν φύσιν τῶν πραγμάτων μόνον, ἀλλὰ καὶ παρὰ τὴν κρίσιν τῶν δικαιουμένων τὰ κακά·

[00854]    μή μοι λέγε, ὅτι ὁ δεῖνα ἐσκανδαλίσθη, ὁ δεῖνα ἀπιστεῖ·

[00855]    παρὰ γὰρ αὐτῶν ταῦτα πάντα, οὐ παρὰ τῶν πραγμάτων·

[00856]    ὥσπερ γὰρ, κἂν φανῇ ὁ ἥλιος, καὶ οὕτως οὐδὲν πλέον τῷ νοσοῦντι τὰς ὄψεις, οὕτως κἂν φανερὰ ἀλήθεια ᾖ, κέρδος οὐδὲν τῷ τὴν ψυχὴν διεστραμμένῳ.

[00857]    Ἀνὴρ συνετὸς θρόνος αἰσθήσεως.

[00858]    [ιβιδ.] Πᾶσα γὰρ ἡ αἴσθησις αὐτοῦ διὰ τὴν σύνεσιν αὐτοῦ ἐν αὐτῷ ἀναπαύεται·

[00859]    τουτέστιν ἀνάπαυσις, καθέδρα, ἐναναπαύεται αὐτῷ, οὐκ ἀναχωρεῖ, ἐμβασιλεύει δὲ αὐτῷ·

[00860]    ἢ ὅτι κεφάλαιόν ἐστι καὶ βασιλεία τῆς αἰσθήσεως ἡ σύνεσις·

[00861]    ἢ ἐκ τοῦ ἐναντίου, ὁ πάντα συνιεὶς, κληθείη ἂν θρόνος αἰσθήσεως·

[00862]    ὥσπερ ἐκ τοῦ ἐναντίου θρόνος ἀνομίας λέγεται·

[00863]    ἀραῖς δὲ συναντῶσιν οἱ ἄφρονες·

[00864]    τὴν γὰρ ὑπὸ κατάραν οὖσαν βαδίζουσιν ὁδόν.

[00865]    Χεὶρ ἐκλεκτῶν κρατήσει εὐχερῶς.

[00866]    [ιβιδ.]

[00867]    Ἐπεὶ οὐδὲν εὐπορώτερον ἀρετῆς, οὐδὲν δυνατώτερον, οὐδὲν εὐμηχανέστερον.

[00868]    Ἢ χεῖρα τὴν ^[64.696] πρᾶξιν λέγει τῶν ἁγίων, οἳ κατεξουσιάζουσι τοῦ κόσμου·

[00869]    οἱ δὲ μὴ ἀγαθοὶ ἄνδρες αἰχμαλωτισθήσονται ὑπὸ δαιμόνων.

[00870]    Φοβερὸς λόγος καρδίαν ταράσσει ἀνδρὸς δικαίου.

[00871]    Ἀγγελία δὲ ἀγαθὴ εὐφραίνει αὐτόν.

[00872]    [ιβιδ.] Ταράσσει μὲν ὁ περὶ τῶν ἐν νόμῳ κολάσεων λόγος·

[00873]    περὶ δὲ τῶν ἐν Εὐαγγελίοις ἐπαγγελιῶν ἀκούων εὐφραίνεται.

[00874]    Ὅρα πρὸς ἑκάτερα χρήσιμον·

[00875]    κἂν ἀγαθόν τι περὶ τῶν πέλας ἀκούσῃ, οὐ βασκαίνει, ἀλλὰ συγχαίρει·

[00876]    κἂν πονηρόν τι περὶ ἑαυτοῦ καταστέλλεται, τάξιν ἔχει καὶ ἡ ὀδύνη αὐτοῦ καὶ ἡ χαρά·

[00877]    ἐπὶ δὲ τῶν ἀσεβῶν, τοὐναντίον·

[00878]    ἔνθα μὲν γὰρ ὀδυνᾶσθαι χρὴ ἐπὶ τοῖς φοβεροῖς λόγοις, καταφρονοῦσιν·

[00879]    ἔνθα δὲ χαίρειν ἐπὶ τοῖς ἀγαθοῖς, τήκονται, ἐναντία πάσχοντες πάθη.

[00880]    Οὐκ ἐπιτεύξεται δόλιος θήρας.

[00881]    [ξοδ.

[00882]    φ.

[00883]    ^[59] β.] Ἐπεὶ θηρευτής ἐστι καὶ ἁλιευτὴς ἡμῶν ὁ λογισμὸς, ὁ οὖν δόλιος ὢν οὐκ ἐπιτυγχάνει τῆς θήρας τῶν ἐναντίων λογισμῶν, ἀλλ' αὐτὸς θηρεύεται ὑπ' αὐτῶν.

[00884]    ΚΕΦΑΛ.

[00885]    ΙΓʹ.

[00886]    Ὃς φυλάσσει τὸ ἑαυτοῦ στόμα, τηρεῖ τὴν ἑαυτοῦ ψυχήν.

[00887]    [ξοδ.

[00888]    φ.

[00889]    ^[59] β.] Ὅρα πρώτους ἡμᾶς καρπουμένους τὰ καλὰ, καὶ τὴν βλάβην αὖθις περιτρεπομένην εἰς ἡμᾶς·

[00890]    φυλάσσει μὲν γὰρ ὃς οἶδε λέγειν τό·

[00891]    Θοῦ, Κύριε, φυλακὴν τῷ στόματί μου·

[00892]    προπετεύεται δὲ χείλεσιν, ὁ μὴ νοῶν, ἃ λέγει, μηδὲ περὶ τίνων διαβεβαιοῦται.

[00893]    [ιβιδ.] Ἐν ἐπιθυμίαις ἐστὶ πᾶς ἀεργός.

[00894]    Ὁ γὰρ τοιοῦτος, κἂν πάνυ εὔπορος ᾖ, διαφθείρει τῇ ἀργίᾳ τὸν πλοῦτον·

[00895]    ἢ παρ' ὅσον τὸ ἔργον παρασχολεῖ τὴν διάνοιαν τῶν περισσῶν ἐπιθυμιῶν·

[00896]    οἱ δὲ ἐπιμελούμενοι τῶν ὄντων, καὶ τὰ οὐκ ὄντα τοῖς οὖσιν προσηύξησαν.

[00897]    Εἰσὶν οἱ πλουτίζουσιν ἑαυτοὺς, μηδὲν ἔχοντες, καὶ εἰσὶν οἱ ταπεινοῦντες ἑαυτοὺς ἐν πολλῷ πλούτῳ.

[00898]    Ἄρα οὔτε πλοῦτος, ἀλαζονίας ὑπόθεσις·

[00899]    οὔτε πενία, ταπεινοφροσύνης·

[00900]    ἢ πλουτίζουσιν οἱ δοκησίσοφοι.

[00901]    Λύτρον ἀνδρὸς ψυχῆς ὁ ἴδιος πλοῦτος.

[00902]    [ξοδ.

[00903]    φ.

[00904]    ^[60] α.]

[00905]    Τί λέγεις;

[00906]    τί ποιεῖς, οὕτως ἐπαίρων τὰ χρήματα;

[00907]    Πρῶτον μὲν οὐχ ἁπλῶς ἅπαντα τὸν πλοῦτον ἔφησεν, ἀλλὰ τὸν ἴδιον τὸν ἐκ δικαίων πόνων·

[00908]    οὐκ οὖν πονηρὸν ἡ πτωχεία·

[00909]    ἢ τοῦτό φησιν, ὅτι τῷ πτωχῷ ἴσως οὐδὲ ἀπειλῆσαί τις ἂν ἕλοιτο·

[00910]    τὸν γὰρ οὐκ ἔχοντα, πόθεν ἄν τις φοβήσειεν;

[00911]    Ὥστε ἀπράγμων οὗτος ὁ βίος ἔστιν·

[00912]    ἢ πλοῦτον ἴδιον τὴν δικαιοσύνην φησὶ, ἥτις ῥύεται ἐκ θανάτου·

[00913]    οὐχ ὑφίσταται δὲ ἀπειλὴν, ἤτοι τὴν περὶ κολάσεως προαναφώνησιν, ὁ πτωχεύων ταῖς ἀρεταῖς.

[00914]    Κρείσσων ὁ ἐναρχόμενος βοηθεῖν τοῦ ἐξαγγελλομένου καὶ εἰς ἐλπίδας ἄγοντος.

[00915]    [ξοδ.

[00916]    φ.

[00917]    ^[60] β.] Παιδεύει πανταχοῦ μὴ προπετεῖς εἶναι ῥήμασι, καὶ μήτε Θεῷ ἁπλῶς ἐπαγγέλλεσθαι μήτε ἀνθρώποις, ἀλλὰ δι' ἔργων τοῦτο ποιεῖν, καὶ ^[64.697] μὴ ῥήμασι διαλύεσθαι·

[00918]    ἢ ὅτι, Ταχὺ ἄρχου ἀρετῆς, καὶ μὴ μέλλε·

[00919]    καλὸν γὰρ ἐνάρχεσθαι ἀγαθῆς πράξεως, καὶ μὴ ἐλπιδοσκοπεῖν.

[00920]    Ὁ φοβούμενος ἐντολὴν, οὗτος ὑγιαίνει.

[00921]    [ξοδ.

[00922]    φ.

[00923]    ^[61] α.] Ὡς ὁ φοβούμενος τὸν Θεὸν ποιεῖ τὸ θέλημα αὐτοῦ, οὕτως ὁ φοβούμενος ἐντολὴν τηρεῖ αὐτήν·

[00924]    ὁ δὲ καταφρονῶν τοῦ Θεοῦ, καταφρονεῖ τῶν ἐντολῶν αὐτοῦ·

[00925]    ὑγιαίνει δὲ ψυχὴ τηροῦσα τὴν ἐντολὴν τὴν θείαν.

[00926]    Βασιλεὺς θρασὺς ἐμπεσεῖται εἰς κακά·

[00927]    ἄγγελος δὲ σοφὸς ῥύσεται αὐτόν.

[00928]    [ξοδ.

[00929]    φ.

[00930]    ^[61] α.] Ὁρᾷς ὅσον κακὸν ἡ θρασύτης, ὅτι οὐδὲ βασιλέα ὠφελεῖ;

[00931]    καί τοι παρὰ τίνος ἐκεῖνος πείσεται δεινὸν, ὁ πάντας ἔχων ὑφ' ἑαυτῷ;

[00932]    ἴδε καὶ ὅσον ἀγαθὸν τὸ ἐναντίον·

[00933]    ῥύσεται γὰρ, φησὶν, αὐτὸν ὁ σοφός τις ἀγγέλλων καὶ συμβουλεύων·

[00934]    ἤγουν αὐτὸς ἑαυτὸν ῥύσεται, σοφὰ τοῖς ἀντιπάλοις ἀγγέλλων καὶ πρεσβευόμενος·

[00935]    ἄγγελος δὲ σοφὸς, τουτέστιν ὁ σοφὰ συμβουλεύων αὐτῷ.

[00936]    Ὁ συμπορευόμενος σοφοῖς, σοφὸς ἔσται.

[00937]    [ξοδ.

[00938]    φ.

[00939]    ^[61] β.]

[00940]    Οὐ μικρὸν ἄρα ἡ συνδιατριβὴ ἡ μετὰ τῶν τοιούτων·

[00941]    οὐχ ἁπλῶς δὲ τὸ κοινωνεῖν πορείας·

[00942]    τάχα καὶ τοῦτο ὠφελεῖ·

[00943]    ἀνάγκη γὰρ πολλὰ μαθεῖν καὶ ἐκ τούτου·

[00944]    οὐκ εἶπε γὰρ, ὁ συνὼν, ἢ ὁ συγγινόμενος ἐπὶ πλεῖστον, ἀλλὰ καὶ ὁ μόνης βαδίσεως κοινωνήσας μεγάλα καρπώσεται, φησίν·

[00945]    εἰ γὰρ στολισμὸς ἀνδρὸς, καὶ γέλως ὀδόντων ἀναγγέλλει τὰ περὶ αὐτοῦ, πολλῷ μᾶλλον βάδισις μικρὰ, καὶ ὥστε συνεχῶς τοῦτο γίνεσθαι·

[00946]    ἐπὶ δὲ τῶν ἀγνωμόνων τοὐναντίον.

[00947]    Ἁμαρτάνοντας καταδιώξεται κακά.

[00948]    [ιβιδ.] Τὸ καταδιώξεται, τὸ ταχὺ τῆς ἀντιδόσεως παρίστησιν, ὡς μηδὲ ἀναβάλλεσθαι·

[00949]    κακὰ δὲ, τὰ κακωτικὰ, ἃ ὡς βραδύτερα καταδιώκει τοὺς ἁμαρτάνοντας·

[00950]    τὰ δὲ ἀγαθὰ ὡς ταχύτερα καταλήψεται τοὺς δικαίους·

[00951]    Ἀγαθὸς ἀνὴρ κληρονομήσει υἱοὺς υἱῶν.

[00952]    [ξοδ.

[00953]    φ.

[00954]    ^[62] α.] Τὸ κληρονομήσει, οὐ τοῦτό φησι, τὸ παῖδας κληρονομεῖν·

[00955]    τοῦτο γὰρ ἔσχατον ἀρὰ, ἀλλὰ τοὐναντίον ὅτι παραπέμψει τὸν πλοῦτον τοῖς ἐξ αὐτοῦ, καὶ καταλείψει πρὸς διαδοχήν·

[00956]    ὁ δὲ τῶν ἀσεβῶν οὐχὶ τοῖς τέκνοις, ἀλλὰ τοῖς δυναμένοις χρῆσθαι καλῶς παραπέμπεται·

[00957]    ἢ οὕτως·

[00958]    ὁ νοῦς πατὴρ, ἀγαθοὺς γεννῶν λογισμούς·

[00959]    οὗτοι δὲ πραγμάτων ὁμοίων γεννητικοί.

[00960]    Ὃς φείδεται τῆς ἑαυτοῦ βακτηρίας, μισεῖ τὸν ἑαυτοῦ υἱόν.

[00961]    [ιβιδ.] Τοῦτο πρὸς τοὺς φιλοτέκνους εἶναι δοκοῦντας, οὐκ ὄντας δέ·

[00962]    ὥστε οὐ τὸ μὴ φείδεσθαι, ἀλλὰ τὸ φείδεσθαι μισεῖν ἐστιν·

[00963]    οὐ τὸ τυχὸν γὰρ κτῆμα τὰ παιδία, ὧν καὶ τῆς σωτηρίας ἐσμὲν ὑπεύθυνοι·

[00964]    μὴ τέκνα·

[00965]    ψιλὸς γὰρ λόγος οὐκ ἐπιτίμησις·

[00966]    οὐχὶ ὁ Ἡλεὶ χαλεπωτάτην δέδωκε δίκην ταύτης ἕνεκεν τῆς προφάσεως;

[00967]    Ὁ δὲ ἀγαπῶν, ἐπιμελῶς παιδεύει.

[00968]    Οὐχ ἁπλῶς, ἀλλ' ἐπιμελῶς·

[00969]    ἐπειδὴ γὰρ ἡ φύσις κελεύει φείδεσθαι, τὸ ἄμετρον ἀναιρεῖ·

[00970]    οὐ γὰρ διὰ τοῦτο ἐντέθεικέ σοι τὴν φιλοστοργίαν, ἵνα βλάπτῃς τοὺς φιλουμένους, ἀλλ' ἵνα αὐτῶν φροντίζῃς·

[00971]    περίελε τοίνυν τὸ φίλτρον τὸ ἄκαιρον.

[00972]    «∆ίκαιος ἐσθίων ἐμπιπλᾷ τὴν ψυχὴν αὐτοῦ.

[00973]    [ξοδ.

[00974]    φ.

[00975]    ^[62] β.]

[00976]    Καὶ μὲν οἱ προφῆταί φασιν·

[00977]    Ἐφύτευσας αὐτοὺς, καὶ ἐρριζώ ^[64.700] θησαν, ἀλλ' οὐ διαπαντὸς οὐδὲ διηνεκῶς·

[00978]    πολλὴ γὰρ τῶν ἀσεβῶν ἡ κατάπτωσις.

[00979]    Πῶς δὲ οὐ πάντες κολάζονται, οὐδὲ πάντες τιμῶνται;

[00980]    ἵνα δι' ἑαυτὴν ᾖ ἡ ἀρετή·

[00981]    ἢ ὁ λόγοις τρεφόμενος θείοις, ἐμπιπλᾶται ὧν οἱ ἀσεβεῖς ἐν ἐνδείᾳ.

[00982]    ΚΕΦΑΛ.

[00983]    Ι∆ʹ.

[00984]    Σοφαὶ γυναῖκες ᾠκοδόμησαν οἴκους.

[00985]    [ξοδ.

[00986]    φ.

[00987]    ^[62] β.] Ἡ Ἐκκλησία διὰ τῆς ὑπομονῆς καὶ ἐλπίδος τοῦ Χριστοῦ ἀνῳκοδόμησεν ἑαυτῇ οἶκον, τουτέστιν, ἀνήγειρε καὶ ἀνώρθωσε τῇ διδαχῇ καὶ πίστει τοὺς προσιόντας αὐτῇ.

[00988]    Ἡ δὲ ἄφρων κατέστρεψε ταῖς χερσὶν αὐτῆς·

[00989]    ὅπερ ἐστὶν, ἡ αἵρεσις παραίτιος ἑαυτῇ θανάτου αἰωνίου γεγενημένη.

[00990]    Ὁ πορευόμενος ὀρθῶς, φοβεῖται τὸν Κύριον.

[00991]    Οὐχὶ ὁ φόβος ἁπλῶς ποιεῖ μόνον τὸ ὀρθῶς πορεύεσθαι, ἀλλὰ καὶ τὸ φοβεῖσθαι τὸν Θεόν·

[00992]    ὡς γὰρ ἀσεβὴς εἰς βάθος κακῶν ἐμπεσὼν καταφρονεῖ, οὕτως ὁ εὐσεβὴς φοβεῖται·

[00993]    ὥστε καὶ κατὰ τοῦτο ὁ ἐνάρετος βίος, καλός·

[00994]    ὅτι καὶ ὁ φόβος προστιθέμενος εὐλαβεστέρους ποιεῖ.

[00995]    Ἐκ στόματος ἀφρόνων, βακτηρία ὕβρεως.

[00996]    [ιβιδ.]

[00997]    Καὶ μὴν σὺ πρὸ τούτου ἔλεγες·

[00998]    Ὃς ἐκ χειλέων προφέρει σοφίαν, ῥάβδῳ τύπτει ἄνδρα ἀκάρδιον·

[00999]    πῶς ἐνταῦθα τὸ αὐτὸ δίδως τῷ ἀνοήτῳ;

[01000]    οὐκ ἴσως, φησί·

[01001]    καὶ γὰρ καὶ τοῦτο βακτηρία·

[01002]    ἀλλὰ τοῦτο μὲν, ὕβρεως·

[01003]    ἐκεῖνο δὲ, ἐπιεικείας·

[01004]    τὸ μὲν, ποιεῖ τὴν ὕβριν·

[01005]    τὸ δὲ, διορθοῖ·

[01006]    οὕτως εἰσὶν ἐπαχθεῖς, ὡς αὐτοὶ οἱ πλήττοντες·

[01007]    ἔνεστι μὲν γὰρ καὶ ὑβρίσαι καὶ ἐλέγξαι, ἀλλὰ μετὰ σοφίας·

[01008]    τὸ δὲ μετὰ ταύτης γινόμενον, οὔτε ἀηδὲς, οὔτε φορτικὸν, οὔτε βαρύ·

[01009]    κἂν μὲν ἐπαινῇ ὁ ἀνόητος, ὕβρεως χεῖρον·

[01010]    κἂν ὑβρίζῃ ὁ συνετὸς, ἐπαίνων ἴσον·

[01011]    τοῦτο καί τις σοφός φησι·

[01012]    Κἂν ἐπαινῶν μεγάλῃ τῇ φωνῇ τοῦτο ποιῇ, ὡς ὄνειδος εἶναι δέξαι τὸ λεγόμενον.

[01013]    Οὗ μὴ εἰσὶ βόες, φάτναι καθαραί, κ.

[01014]    τ.

[01015]    λ.

[01016]    [ξοδ.

[01017]    φ.

[01018]    ^[63] α.] Ἐμοὶ τοῦτο δοκεῖ λέγειν, ὅτι ἀργὸς μυρίαν ὑπομένει ζημίαν καὶ πενίαν·

[01019]    ἢ εἰ μὴ τοῦτο·

[01020]    ὅτι οὐκ ἔστι, μὴ προσέμενόν τι καρπώσασθαι, ὅτι δεῖ βοῶν φείδεσθαι·

[01021]    ὅτι χρὴ οἰκονομικὸν εἶναι·

[01022]    ὅτι πολλὴν πρόνοιαν ἔχειν γεωργίας.

[01023]    Ἢ οὕτως·

[01024]    οὗ μὴ εἰσὶν οἱ διδάσκοντες, τὰ δοχεῖα τῶν διδασκάλων κενά·

[01025]    ἡ ἰσχὺς δὲ τοῦ διδάσκοντος δείκνυται ἔνθα πολλὰ τὰ γεννήματα.

[01026]    Ζητήσεις σοφίαν παρὰ κακοῖς, καὶ οὐχ εὑρήσεις.

[01027]    [ιβιδ.] Οὐ συμπλέκεται γὰρ τῇ κακίᾳ ἡ σοφία.

[01028]    Οἰκίαι παρανόμων ὀφειλήσουσι καθαρισμόν.

[01029]    Ἐπὶ ψάμμου γὰρ ἔχουσαι τὸν θεμέλιον, ὀφείλουσι καθαρισμὸν, ἵνα καθαροὶ γενόμενοι ἴδωσι τὸν Θεόν·

[01030]    οἱ δὲ ἀκούοντες τοὺς Ἰησοῦ λόγους καὶ ποιοῦντες αὐτοὺς, οἰκοδομοῦσι τὴν ἑαυτῶν οἰκίαν ἐπὶ τὴν πέτραν.

[01031]    Ἄκακος πιστεύει παντὶ λόγῳ.

[01032]    [ξοδ.

[01033]    φ.

[01034]    ^[64] α.]

[01035]    Ὁ ἐπιπολαίως τὴν ἀκοὴν, ἀδιάκριτος·

[01036]    ἀνοίας γὰρ τὸ παντὶ πιστεύειν ἁπλῶς·

[01037]    ὁ δὲ φρόνιμος, κἂν ἐκ πρώτης πεισθῇ φαντασίας, μεταγινώ ^[64.701] σκει καὶ ἐπιλογίζεται.

[01038]    Ὀλισθήσουσι κακοὶ ἔναντι ἀγαθῶν.

[01039]    [ξοδ.

[01040]    φ.

[01041]    ^[64] β.] Ἀδύνατος γὰρ οὖσα συνυπάρχειν, ὡς ἐναντία τῇ κακίᾳ ἡ ἀρετὴ, ἐν τῷ παρεῖναι, ταύτῃ πεσεῖται.

[01042]    Καὶ ἀσεβεῖς θεραπεύσουσι θύρας δικαίων·

[01043]    ἀσεβεῖς δὲ μετανοοῦντες, ἐπὶ θύρας ἴασιν ἀγαθῶν·

[01044]    θεραπεύει δὲ νῦν, οὐ τὸ ἰᾶσθαι, τὸ δὲ δουλεύειν ὡς διδασκάλοις ληπτέον.

[01045]    Στέφανος σοφῶν, πλοῦτος αὐτῶν.

[01046]    [ξοδ.

[01047]    φ.

[01048]    ^[65] α.] Τί λέγεις;

[01049]    Πλοῦτος ἡ δόξα σοφῶν;

[01050]    Ναὶ, φησίν·

[01051]    οὐχ ὅτι αὐτοῖς οὗτος προστίθησι δόξαν, ἀλλ' ὅτι δυνατοὶ εἰς δέον αὐτῷ χρήσασθαι, καὶ μηδὲν ἀπ' αὐτοῦ καρπώσασθαι κακόν·

[01052]    διὸ καί τίς φησιν·

[01053]    Ἵνα τί ὑπῆρξε χρήματα ἄφρονι;

[01054]    Κτήσασθαι γὰρ σοφίαν ἀσύνετος οὐ δυνήσεται.

[01055]    Πρόσταγμα Κυρίου, πηγὴ ζωῆς.

[01056]    [ιβιδ.] Πηγὴ οὖσα οὐδέποτε διαλιμπάνει, ἀλλ' ἀεὶ ἀναβλύζει τήν τε παροῦσαν ζωὴν καὶ τὴν μέλλουσαν·

[01057]    καὶ ἐν τῷ χορηγεῖν ἀγαθὰ, κακῶν ἀποτρέπει.

[01058]    Ἐν πολλῷ ἔθνει δόξα βασιλέως·

[01059]    ἐν δὲ ἐκλείψει λαοῦ, συντριβὴ δυνάστου.

[01060]    [ξοδ.

[01061]    φ.

[01062]    ^[65] β] Ὁ μὲν βασιλεὺς ἐν ἑτέροις ἔχει τὴν ἰσχὺν καὶ τὴν δόξαν·

[01063]    ὁ δὲ τὸν Θεὸν φοβούμενος, ἐν ἑαυτῷ·

[01064]    δοκεῖ δέ μοι διὰ τούτων παραινεῖν τοῖς τε ἄρχουσι καὶ ἀρχομένοις, εἴκειν ἀλλήλοις·

[01065]    οἷον ὡς (ἐν) ἐκείνοις ἔχων τὴν ἰσχὺν, οὕτως διάκεισο.

[01066]    Μακρόθυμος ἀνὴρ, πολὺς ἐν φρονήσει·

[01067]    ὁ δὲ ὀλιγόψυχος ἰσχυρῶς ἄφρων.

[01068]    [ιβιδ.]

[01069]    Ὅρα ἐν ἑκατέρῳ τὴν ἐπίτασιν·

[01070]    πολὺς, καὶ ἰσχυρῶς·

[01071]    οὐδὲν γὰρ οὕτως ἀνοίας τεκμήριον, ὡς ἡ ὀλιγοψυχία·

[01072]    καὶ οὐδὲν οὕτως φρονήσεως ἐντελοῦς, ὡς ἡ μακροθυμία·

[01073]    πῶς ἄν τις μακροθυμήσῃ, ἢ τῷ σφόδρα ἀκριβῶς ἐξετάζειν πάντα;

[01074]    Ὁ πραΰθυμος ἀνὴρ ἰᾶται τὸ θυμικὸν τῆς καρδίας πάθος·

[01075]    κρατήσας γὰρ τῆς ὀργῆς καὶ τοῦ θυμοῦ, αὐτὴν ταραττομένην ὑπ' αὐτοῦ ἰᾶται·

[01076]    σὴς δὲ ὀστέων ἡ συνετὴ νόησις εἰς τὰς τῆς ψυχῆς δυνάμεις εἰσδύνουσα, ἀνατέμνει αὐτὰς καὶ τρέφεσθαι βούλεται.

[01077]    Ὁ συκοφαντῶν πένητα, παροξύνει τὸν ποιήσαντα αὐτόν.

[01078]    [ξοδ.

[01079]    φ.

[01080]    ^[65] β.] ∆ύο ἁμαρτίαι ἐνταῦθα, καὶ συκοφαντίαι, καὶ κατὰ πένητος·

[01081]    διὰ τί δὲ παροξύνει τὸν ποιήσαντα αὐτόν;

[01082]    Ὅτι αὐτὸς αὐτὸν ἐποίησε πένητα, καὶ εὐχείρωτον τῇ γλώττῃ τῇ σῇ τοῦ συκοφάντου.

[01083]    Ὁ δὲ τιμῶν αὐτὸν, ἐλεεῖ πτωχόν.

[01084]    Καὶ μὴν εἰ αὐτὸς αὐτὸν ἐποίησε, τίνος ἕνεκεν ἐλεεῖσθαι χρή;

[01085]    Καὶ γὰρ ἤκουσα πολλῶν τοῦτο λεγόντων·

[01086]    Τίνος ἕνεκεν ἐλεῆσαι πένητα δεῖ;

[01087]    εἰ ἐφίλει αὐτὸν ὁ Θεὸς, οὐκ ἂν αὐτὸν πένητα ἐποίησε.

[01088]    Μέχρι τίνος παίζομεν εἰς τὴν σωτηρίαν τὴν ἡμετέραν;

[01089]    μέχρι τίνος γελῶμεν, ἐφ' οἷς τρέμειν ἐχρῆν καὶ δεδοικέναι καὶ φρίττειν τὸν μιαρὸν τὸν μυρίων γέμοντα κακῶν·

[01090]    τίνα ἐφίλει;

[01091]    Τὸν Λάζαρον, ἢ τὸν πλούσιον;

[01092]    Ταῦτα ἡμᾶς ἀπόλωλεν, ὅτι εἰς ἀστεῖα διαλυόμεθα.

[01093]    Ὁ πεποιθὼς, τουτέστιν ὁ καθαρὸς καὶ θαῤῥῶν τῷ Θεῷ, τῇ ἑαυτοῦ δὲ ὁσιότητι δίκαιος·

[01094]    παρ' ὅσον οὐδεὶς ταῖς ἑτέρου πράξεσι σώζεται ἢ ἀπόλλυται.

[01095]    Ἐν καρδίᾳ ἀγαθοῦ ἀναπαύεται σοφία, κ.

[01096]    τ.

[01097]    λ.

© 2006 Cooperatorum Veritatis Societas quoad hanc editionem iura omnia asservantur.
0345-0407 - Iohannes Chrysostomus - Fragmenta in Proverbia
Litterarum Omnium Conspectus: 164 Litterae, quae repetitae sunt in 77,262 occasionibus